يعطيك العافية أخوي فهد
جولة جميلة في تلك العقبة الشاهقة التي أتمنى العبور من خلالها لكن هل لها اسم محدد ؟
عافاك يابعدهم

هذي عقبه بلجرشي المخواه اسمها عقبه الملك عبدالله

بارك الله فيك الله يسقيها بالسيل

السلام عليكم
شكراً على التصوير الجميل
عزالله هذا الطريق يهون عند طريق الباحه إلى المخواه
وكان فيها 26 نفق حسبتهم من الخرعه
الموقف المضحك كنت طالع من غابات رغدان الباحه ماعجبني الوضع قلت ابي اطلع على ابها اكمل الطريق
نصحني واحد من ربعنا في الكويت اطلع من هالطريق الباحه المخواه الله يسامحه
كان وقتها العصر دخول المغرب تقريباً
لابس نظاره
وقت غروب الشمس
احد الانفاق كان طويل اولع الاناره الليت
احس ظلمه تخرعت زياده قلت الله يستر لايكون كهربة السياره فيها شي
خفت اعلمهم بالسياره يتخرعون معاي
حسيت عوار بعيوني ابي افركها بأيدي ولا لابس نظاره
ههه والله قعت اضحك على نفسي ويطالعوني يقولون ابونا شيفه
هالموقف ما انساه من خرعه إلى ضحك
المفروض نص ساعه اعبر
لكن انا قطعة ب ساعه من خطورته طريق واحد وكثير فيه شاحنات
وبنفس الوقت اول مره اطلع عليه ومخترع كنت ابي ارجع على بلجرشي والنماص لكن خفت ارجع
بس من عبرنا الطريق اتذكر المواقف كان ممتع الطريق وفيه روح من المغامره
وعلى محايل عسير وإلى أبها
ما انصح عائلات يروحون عليه الانه جد يخبص قلوب العائلات مجربها