هلا وغلا اخوي ومرحبا بك بين اخوانك في منتداك ومنتدى كل المسافرون العرب
والف الف مبروك على الزواج مقدما والله يوفقكم ويجمع بينكم بخير ويرزقكم الذريه الصالحه
عن نفسي كان شهر العسل تقريبا مثل وقتك وكنت ناوي اروح النمسا او سويسرا لولا الثلوج واتجهت لديرة العرسان ماليزيا
وكان جوها مره روعه وكان اختيار مثالي
لذلك ارشح لك ماليزيا او دبي ..
تمنياتي لك التوفيق
مع التحيه

1. انت قلت الميزانية مفتوحه وعلشان هشي بنصحك بالاتي


2. الاقتراح الثاني هو

بنسبة لاوربا اي بارده امس الحرارة في لندن ماينس 7
المهم قبل كل شي عطنى الميزانية علشان نقدر انحددلك الدول المناسبة على حسب ميزانيتك
على العموم في رد انا نسخته لك كنت راد على احد الاشخاص الي نفس الشي بسافر لشهر العسل ولاكن ميزانيته كانت مفتوحه على كلامه لهشي كتبتله افضل واغلى الاماكن

• ______________-

الف مبروك ان شاءالله والله يتمم على خير
بنسبة لدول فهي وايد بس يرجع على حسب الميزانية

انت قلت الميزانية مفتوحه وعلشان هشي بنصحك بالاتي

اول اقتراح هو اتروح على المالديف وتقعد فيها 8 او 9 ايام وتسكن في منتجعين هم الفورسيزنت والمنتجع الثاني دبليو
وهم ارقى منتجعات المالديف وعلى فكرع اسعارهم عالية توصل الليلة الوحده ب 10 الاف ريال في الهاي سيزنت بس المستوا راق ي جدا وشي خيال وفي نوعين لشاليهات في نوع على البحر الي هو وتر فيلا وفي النوع الثاني على الشاطئ وهو بيش فيلا
وبعدها ترجع على دبي وتسكن اهناك يا في برج العرب او في اتلانتس او القصر ومينا السلام او فندق العنوان
وهم افخم فنادق دبي وكلهم على مستوا راقي جدا ويستاهلون السكن وانا مجربهم ماعدا برج العرب
وتقدر اتسافر على الاماراتية واحيانا اتكون في كلاس اسمه السويت كلاس وهو اعلى من الفرست كلاس احيانا يكون له رحلات على المالديف ممكن تحجزون عليها لانها قمة في الروعه
وصدقني راح ترجع من السفرة وماراح تنساها ابدا لان المالديف حلوة طبيعه وخظرة وبحر وفيها نشاطات حلوة وخفيفه

الاقتراح الثاني هو

اتروح على جزيرة موروشيس واتروح على كيب تاون في جنوب افريقيا وصدقني راح تستمتعون اهناك وايد وخاصه بجنوب افريقيا واحجزولكم في رحلات لسفاري وفي تقرير في البوابة الافريقيا لجنوب افريقيا ولسفاري تقدر تدخل عليه واتشوفه واكيد راح تستمع لمى اتسافر
بس على فكرة الاسعار غالية خاصه بعظ السفاري توصل الليلة الوحده من 7 الاف ريال وفوق ولاكنها مغامره لا تنسى ابدا وبشكل عام جنوب افريقا غالية ولاكنها روعه
ثالث اقتراح هو تطلع على استراليا واتروح غولد كوست اسبوع وسدني 4 او 5 ايام
تسكن بلغولد كوست يومين في فندق فرساتشي وبعدها تسكن بلهوليدي ان وغولد كوست حلوة وايد وبكون الجو خريف عندهم وعلى فكرة استراليا رخيصة مقارنه بلقتراحات الثانية الي ذكرتها وتقدر تستمتع لان استراليا فيها متعه وترفيه من مدن ملاهي ورحلات حلوة وشاطئ ذهبي والمدينة سياحية وحلوة وبعدها سدني حلوة وتستانسون بصخب المدينة والابراج والجو الحلو
واخر اقتراح هو اوربا مع اني ماكنت بذكرها لان بكون جوها بارد ومن غير هشي هي كئيبه اشوي بس لو بتروح على باريس بتستانس وممكن تطلع على جنيف 4 ايام وباريس 6 ايام واكدي راح تستمتع واتغير جو لانهم احلى اوربا
وتسكن في باريس في كلارنج او الماريوت وتسكن في جنيف بلكنمنسكي وهم افضل الفنادق اهناك
ولاكني ماحب اوربا وايد لان نهايتها سوق وكوفيات واثار لا اكثر ولا اتقولون لي طبيعه لان لحين شتى ومافي شي اخضر والطبيعه الحقيقية اتحصلها بلجزر
طبعا هاي الاقتراحات وانا اقترحتهم لان الميزانية على كلامك مفتوحه لهشي قلت بكتبلك افضل الاماكن
طبعا في اماكن حلوة ومشابها وارخص بوايد يعني لو تبي جزر وميزانيتك اشوي ممكن تستعين بجزيرة مالي باندونيسيا او بوكيت في تايلند او سيرلانكا او لانكاوي في ماليزيا بس اكيد المالديف احلى
على العموم انا دايم اقول ان استشير المدام واستخير ربك وان شاءالله موفق وتبي نصيحتي مهما كانت ميزانيتك مفتوحه حاول تعطينا رقم علشان انحدد اكثر
وهل انت تبي جزيرة ولا تبي اوربا ولا مدينة
واي استفسار احنا بلخدمة

• _____________________

انا هاي ردي كان له يمكن تستفيد منه وحددلي متى بكون زواجك بداية ولا نهاية شهر 3
لان لو بدايته انا اقولك الغي استراليا لان يمكن اتكون لحين حارة
بس مثل ماقلت قبل انا اشوف المالديف رائعه واتمر معاها دبي او موروشوس و جنوب افريقيا
واذا ميزانيتك مش قوية تقدر تلغي المالديف واتخليها ماليزيا وسنغافورة وتقدرا تمر دبي بعد لو تبي
وعندك الدول العربية مثل مصر وشرم الشيخ او لبنان
واي استفسار احنا بلخدمة

اخوي شهر 3 (مارس) = فصل الربيع
وعلى فكره اذا زواجك يبي يكون في اخر شهر ثلاثة فالجو في اغلب مدن اوروبا ابدا ماراح يكون بارد
خلاص الثلوج تكون بدت تذوب باستثناء رؤوس الجبال طبعا

كلمة للي فوق على فكرة 2009 و2008 نزل ثلج في شهر ابريل يعني 4 مو شهر مارس وكان الجو بارد لحين
وبلعكس الحين قاعد يبرد الجو زياده
والجو مايبتدي يدفى الا من شهر 5 و 6 واحيانا بصيف يكون في برد

.’.’.’.
ابتداء من ابريل يكون الجو قد مال للإعتدال في أوروبا .. العام الماضي كنت في لندن في 10 أبريل بالضبط .. وكنت ألبس تيشيرتات مع برودة خفيفة في الجو ..
أتمنى لك حياة سعيدة :.
.’.’.’.

بارك الله بالجميع أفادوك أخي الفاضل ،،

الجزر او شرق اسيا
ماشاء الله عندنا عرسان 2 وكلهم 1 راح البارحه سويسرا والثاني بعد يومين ان شاء الله
يعني ماعاق معاهم الجو

ياحبي لكم .. الله يكتب اجركم
وربي نورتوني .. الله ينور عليكم في قبوركم .. بعد عمرن طويل ..
في الحقيقه . اشكر اخوي .. حلو ومدلع .. لأنك جبتها صح ماشاء الله
وهذه المناطق اللي ذكرتها .. كنت اسولف ويا المدام عنها ..
حبيب قلبي .. اناميزانيتي متوسطة .. يعني تقريباً > من 30 ألف ريال إلى 40 ألف ريال
هل تشوفها .. تكفي لاني أروح المالديف أو موروشيس ..؟
انتظر ردك

× كراش ×
اخوي كراش
شهر ابريل اكيد تبي تكون بال"سيف سايد" الا في الحالات الاستثنائية
تحياتي لك