1- فيه كذا وسيلة للذهاب من المطار الى الفندق بالنسبة للتاكسي يأخذ تقريبا من 45 الى 55 دقيقة علشان يوصل الى وسط لندن وسعره يبدا من 50 الى 60 باوند تقريبا.
الطريقة الثانية ممكن اسرع واوفر وافضل بالنسبة ليه اذا خيرت بين التاكسي وبينها وهي عن طريق Heathrow Express هذا قطار يروح من مطار هيثرو كل15 دقيقة الى محطة Paddington Station وهي في وسط لندن وتاخذ 15 دقيقة تقريبا وبعدها ممكن تستخدمون التاكسي من المحطة الى الفندق في حدود 7 دقايق تقريبا تقريبا ب 10 باوند او اقل. اسعار القطار يختلف على حسب الدرجة وعلى حسب التذكرة ذهاب وعودة او فقط ذهاب على سبيل المثال الدرجة العادية سعر التذكرة ذهاب وعودة ومدتها شهر للشخص الواحد 26 باوند عن طريق الويب سايت و27 باوند عن طريق المكينة او المكتب في المطار وممكن تشترونها داخل القطار عن طريق الكرديت كارد ولاكن يزودون 2 باوند اما بالنسبة للاطفال ب13 باوند ذهاب وعودة. وبهذي الطريقة اوفر واسرع.
اما بالنسبة للسيارة الخاصة تقريبا نفس سعر التاكسي وفيه عدة شركات ممكن الحجز عن طريقها.
2- بالنسبة لليورو ستار من الافضل الحجز عن طريق موقعهم على الانترنت لانه انا جربت عن طريق النت وعن طريق المحطة. في النت ممكن تختارون درجة رجال الاعمال وتكون ارخص من الدرجة العادية ولاكن الحجز يكون قبل السفر بوقت كافي وايضا عندكم حرية اختيار المقعد والاكل وعندهم اكل حلال اما عن طريق المحطة يكون اغلى على اية حال وممكن يكون زحمة فمن الافضل عن طريق النت.
3-بالنسبة للسؤال الثالث ما اعرف وان شاء الله الخبراء يردون ولكن ممكن هذا الموقع يفيد لانه يفيد في التنقل بالقطارات في اوروبا
http://www.raileurope.com
والثاني
http://www.eurorailways.com

الف.. الف.. شكر لك اخوي:Copilot ماقصرت بس عاد الله يعينك على اسئلتي لأني اول مرة اروح لندن وودي كل شي يكون مرتب
ممكن تفهمني هل يكون هيثرو اكسبرس اوفر لي اذا كنت ماراح ارجع للمطار بالعوده يعني ون وي لأني اشوف انه بيطلع نفس قيمة التاكسي لأننا 3اشخاص وبعد بالنسبة للحقائب سهل حملها فية وتذكرته خاصه فيه ولا تستخدم بالأندرقراوند .

السلام عليكم
من باريس الي جنيف بالقطار تروح المحطة وتقص تذكرة عادي جدا .......
السيارة تحجزها من جنيف وشوف موقع شركات تاجير مثل هيرتز وتفيدك

للمعلومية اختي لمار
بعض الاحيان بالنسبة للقطار ، اذا كانوا مافيه ركاب كثار يسوون خصم حلو مره قبل الرحلة بيوم علشان يملون الرحله
شي حلو ومو حلو اقولك ليه ،،،،
لانه يمكن ماتحجزين من هنا ، ولما تروحين هناك يطلع كل شي مليان !!!
ويمكن ماتحجزين من هنا ولما تروحين هناك الا فيه خصم لاكثر من 50 بالميه .
لكن ماعتقد ان شاء الله تفرق مئات الريالات
وبالنسبة لحجز السيارات في جنيف ، المكاتب السياحية ماتقصر بحجوزات السيارات وبالنسبة لاسعارها مابين 80 يورو الى ماتقولين بس
وبالتوفيق

تشكرات اخوي خاص
تدرون انا قلت نضبط امورنا من هنا اريح من اي مفاجأت هناك
فالحمدلله سوينا حجوزات للإستقبال في المطار وتكت القطارات وسيارة في جنيف
رحلتنا بعد كم يوم.....انشاالله لما نرجع بالسلامة اكتبلكم تقرير معتبر

سعر الذهاب 13.50 من النت و 14.50 من المطار اما للاطفال ب6.70 يوجد رفوف لوضع الشنط عند المدخل. طبعا السعر لايشمل تذكرة التيوب ولاكن بالتاكيد التاكسي اسهل من ناحية الشنط. وهذا موقع Hethrow express
ww.heathrowexpress.com
والموقع هذا للفائدة
http://www.beybeylondon.com

اقصد http://www.byebyelondon.com
و
http://www.heathrowexpress.com

ادري اني بعقب متأخر جدا و انك سافرتي و ان شاء الله رجعتي بالسلامة و لكن اود ان اذكر هذه التجربة بخصوص اليورو ستار...
كنت راجع من سويسرا بالسيارة مع زوجتي (شهر عسل سنة 2005 ) على اساس اني برجع السيارة الى مكتب هرتز في محطة شيسي اللي عند يورو دزني و بعدها اخذ يورو ستار و اروح الى لندن و تأخرنا بسبب الطريق و الحمد لله رجعنا السيارة لهيرتز قبل لا يسكر المكتب ب20 دقيقة , في اليورو ستار رحنا نسأل و الا نشوف ان عدد الكراسي الباقية محدود (9 كراسي فقط) و كانت آخر رحلة و احنا مرتبطين بحجوزات في لندن و ما كان عندي كاش و فيزتي لم يقبلها! المهم رحت اسحب و قالوا لي اقرب الة سحب آلي عند دزني و ما ادري فين و رحت اركض و اسأل الى ان سحبت و لما رجعت كانت المقاعد كلها فل و لكن زوجتي قامت بشراء تذكرتين (حيث تم قبول كرت الفيزا الخاص بها) بعدما تأخرت و لذلك انصح بشراء التذاكر المسبق اما عن طريق الانترنت او عن طريق الذهاب الى المحطة لمن هو مقيم فيها , و الغريب اني كنت مقيم قرب دزني باريس لمدة اسبوعين قبل ذهابي الى سويسرا و كنت اذهب الى المحطة يوميا لاخذ الاندر قراوند و الذهاب الى باريس و لكن التكاسل كاد ان يكلفنا كثيرا..