السلام عليكم ورحمة الله و بركاته
الاسبوع اللي طاف رحنا لاول مره مجمع الكوت ...و كان ودي أمر على مجمع المنشر و روتانا لكن للاسف ما قدرنا لان الوقت تأخر
تخيلوا قعدنا ساعه بالطريق الى ان وصلنا المجمع
قلت هذي بتكون أول و اخر مره
المهم ... المجمع مو كبير حيل .... تمشينا فيه شوي بعدين دخلنا السينما ... فلم رعب : سترينجرز .. الغرباء
الصراحه صارخت صراخ مو طبيعي ... كنت الوحيده اللي بالسينما تصارخ ... و زوجي و اختي يضحكون علي :112:
المهم ... ما طولنا ... بعد الفلم طلعنا على المطعم.... مطعم مراكش المغربي
شفت له تقرير من أخونا فهد الاحمد .... يعطيه العافيه على تقاريره الحلوه و الجديده
تقريره أوضح بالصور من تقريري ... لانه هو مصور أعتقد بوقت غدى
شوفوا تقرير اخوي ابو احمداني على الرابط : https://artravelers.com/p/re/175690
أما احنا رحنا بوقت عشى ... و انصدمت انهم مظلمين الدنيا ... على ضوء الشموع ...
عصبت لاني ما قدرت اصور صور واضحه .... لكن الشموع كانت رومانسيه
الصراحه ... ما عجبني المطعم ... و ما راح أرجع لهم مره ثانيه
طول عمري أقول ودي اجرب الطاجن والاكل المغربي ... لكنه للاسف ما عجبني
ولا تنسون ... الناس اذواق ...و التغيير حلو
على فكره المطعم بالفنطاس ... مقابل مطعم النوخذه
ألحين بأحط لكم الطلبات و المنيو و كل شي .....
و سامحوني على الصور الغير واضحه
صو مجمع الكوت :

قبل ندخل السينما أخذنا ......

و بعدين دخلنا السينما :

و لما خلصنا من السينما طلعنا على المطعم:
صور المطعم:
هذا مطعم النوخذه بالصوره :

المنيو:

جابوا لنا مقبلات .... زيتون و مخللات .... و بعدين طلباتنا:

هذا فول أخضر مخلل

لما دخلت الحمام أعزكم الله ... تذكرت اخوي ابو احمداني لما صوره ,,, قلت أبي أقلده

شوربة حريره :

طاجن اللحم : كررت الصوره عشان اوضحها :

كسكس بالخضار :كررت الصوره عشان أوضحها:

الشاي المغربي :

اخير شي ... جابوا لنا حلويات مجانا من عندهم :

كان ودي اجرب بسطيلة الدجاج ... لكنه قال لي انه معاها مكسرات و سكر قلت لا خلاص مابي
رغم انه الصور مو واضحه ....و المطعم ما عجبني ....
لكني استانست بالتغيير ...و بالفلم
سامحوني على التقرير البسيط و انتظروني بتقارير جديده