اخواني عشاق الطبيعه خاصه لا تضيعون وقتكم بالتنقلات الي مالها سنع وانا من رايي وخبره انا سالزبروغ و انسبروك مافيهم شيء حتى البحيرات المنتشره تضرب لها مشوار من الصبح وعندك مثلا بحيرة زيلامسي اجمل واحلا بكثير يعني الي يروح للبحيرات اللي قريبه من سالزبروغ ويش الفايده مضيعة وقت والله انت رحت للاسترخاء والهدوء ماهو للتنقل المزعج كل يوم طاق لك مشوار مالمه داعي عشان تشوف بحيره اقل جمال من بحيرة زيلامسي اذا كن بتسكن فيها هذا شيء ثاني لكن نصيحه اخويه لا تكثر مشاوير (كلامي للي مدتهم قليله من ثلاث اسابيع الى اسبوع).
شلالات اوكي خاصه كريمل وكلام (منتزه حلو)لو تاخذ قهوتك وفرشتك وتتكي عنده وصوت النهر اللي يطلع هالسموم اللي في راسك ثلج وزحليقه واذا سكروا طق للبحيره واجلس فيه الين تليل وغير كذا لا توجع راسك.
اما عشاق الاثار فيعني لا يمنع من الزياره لمده نصف يوم الى احد ى المدينتين لانهم بصراحه ماشفت فيهم اي شيء ملفت يحدني اني اسكن فيها وكل له رايه واحتمال فيه ناس تعجبهم وانا بغيت اعطيكم الزبده
لاني صراحه قريت تقارير عن سالزبروغ وانسبروك ولا في الخيال ولما رحت تندمت وتحسفت على مروري بها .