افا يا ذى العلم وين اهل الفزعات

عشانك عريس بس بنفزعلك أبشر
الخبرة محدودة ولكن أبشر، المسافات تقريبية بالكلم
الشرقية-سلوى: عارفها
سلوى-البطحاء:140
البطحاء- أبو ظبي 400 ، هناك عدة منتجعات راقية على الطريق
أبو ظبي -العين: 130 وهناك منفذ مزيد من الإمارات إلى عمان
مزيد-عبري: 120 كم، عبري بها فندق جيد ، تشوفه واضح على الخط
عبري- صلالة: 920 كم، وهنا الطريق بين هيماء ومقشن مكسر في بعض الأحيان ولا ينصح بالقيادة ليلا خصوصا للزائر أول مرة
لا تخلي البنزين ينزل عن الربع أبدا لقلة محطات طريق صلالة
في طريق العودة يمكنك تغيير المسار والمرور بنزوى لمشاهدة الجبل الأخضر، هناك فندق توليب أفضل الموجود، وأماكن أخرى نظيفة، والسوق الشعبي في نزوى لا يفوتك
احجز فنادق صلالة من بدري
رحلة سعيدة وحياة زوجية موفقة

هلا أخي قلم فواح وحياك الله بين أهلك ومبروك الزواج أخي المسافة تقريبا حسب علمي 1900 كيلومتر أذا ماغلطت وعموما مسارك بيكون مثل ماذكر madeeny جزاه الله خير على التوضيح وعموما أرجو أن تتابع معنا موضوع سوف ننزله قريبا من مسار الرحلات ومحطات البترول وبعض الأماكن التي ممكن ينزل فيها المسافرون برا بداية من دخول حدود عمان ولغاية مدينة صلالة سوف ننزله مع بداية الأسبوع القادم ولا تشيل هم كل شئ بيكون واضح وتقبل تحياتي

1. انا سبق ورحت لصلاله 3 مرات وهالسنه باذن الله بروح للمره الرابعه


2. بنصحك تتبع احد هالمسارين ولن تندم ان شاء الله


3. هذي الطريقه راح تخليك تشوف عمان بشكل ممتاز وتشوف العاصمة العمانيه


4. النصيحة الثانية اذا تبي ترتاح أكثر :

دامك عريس خلك هوين مع المدام ماهو تعذبها بر ترا من الدمام لصلاله حول 2000 كيلو الا شي بسيط

انا سبق ورحت لصلاله 3 مرات وهالسنه باذن الله بروح للمره الرابعه

بنصحك تتبع احد هالمسارين ولن تندم ان شاء الله

النصيحة الأولى انك تروح بسيارتك للامارات على قولتك وتتمشى يومين ثلاث ثم تروح للعين الاماراتية متوجها لمسقط وهذي تقريبا 350 كيلو وطريقها اكثر من ممتاز تلجس يوم واحد فقط ويكون عندك حجز مسبق على الطيران العماني بتاريخ سفرتك من مسقط إلى صلالة وراح يكلفك التذكره ذهابا وعوده 1300 ريال سعودي لك وللمدام وسياراتك توقفها بالمطار الي راح ياخذ عليك حول 50 ريال فقط بالمواقف للفترات الطويلة ( انصح اسبوع واحد فقط بصلاله ولاتتعدى 10 ايام )

هذي الطريقه راح تخليك تشوف عمان بشكل ممتاز وتشوف العاصمة العمانيه

النصيحة الثانية اذا تبي ترتاح أكثر :

تروح الله لايهينك للامارات وتتمشى يومين ثلاثه على حسب هواك ويكون عندك حجز مسبق لوقت سفرتك من دبي الى صلالة عن طريق طيران الجزيرة الكويتية واذا حجزت في هذه الايام لن تتجاوز تذكرتك انت والمدام 1700 ريال فقط
وتوقف سياراتك بمكان آمن خارج المطار لان المطار غالي بدبي وتروح للمطار بتاكسي
واذا وصلت لمطار صلاله تستأجر سياره صغيره موديل 2009 وسعرها 140 ريال سعودي باليوم
اختار احد النصيحتين افضلك من انك تسافر بسيارتك لصلاله بر من الامارات لان المسافه من دبي الى صلاله تقريبا 1300 كيلو طريقها ماهو مثل طريقك للرياض على الخط السريع لالا ههه طريقها انا اخوك مثل طريق حرض الاحساء ( مسار واحد) ولايوجد محطات بنزين مزوده باستراحات بالشكل المطلوب يعني بالعربي راح تتعب جدا
كما ان الطريق الطويل 800 كيلو منه صحراوي ماتشوف مناظر خلابه
خذها مني تراني خبير بهالديره
بس صلاله غير راح تنبهر بجمالها
وتحياتي لك اي استفسار تراني جاهز

اخوي هلا فيك بصلاله ومبروك عليك الزواج
ام شوف الخط بيكون جدا متعب لنه انت بجي من السعوديه يعني وخطها وحده متعب ويعني بعد عمان انت باتوصل
لشمالها وبتروح خط من الشمال للجنوب صلاله هذا وحده 1000 كيلو
اما بخصوص الامان لاتحاتي الخط أأأمن جدا كنه خط عام في احد العواصم من حركته ونشاطه ^_^ لنه شارع واحد
الي يوصلك لصلاله وبهالوقت يكون من كل دول الخليج متوجهين لصلاله
وانا بصراحه ماعندي خبريه كثيره بالخط لني دوم اروح عن طريق الطيران
والحين نجي الى التكلفه اتوقع الحد الاقصى 1000 ريال عماني

سؤال بسيط ؟
كم أسعار الفنادق في صلالة ؟
وهل يوجد شقق عائلية كبيره مفروشه ؟

ابو اشراق 10
تختلف أسعار الفنادق حسب الموسم وخلال فصل الخريف ترتفع الأسعار الى حدها الأعلى ، وتتراوح حسب تصنيف الفندق وغيرها من المعايير ، ولكن الأسعار راح تكون ما بين 45 - 140 ريال عماني .
وبالنسبة للشقق المفروشة موجودة ولكن للاسف ليس هناك تصنيف من قبل وزارة السياحة لهذه الشقق المفروشة ، فقد تجد شقق رائعة ومميزة والعكس صحيح ، وأسعارها متفاوته أيضا وهي ما بين 30 - 100 ريال عماني .

[أضم صوتى الى صاحب الرد رقم 5
ترى السالفه 2000 كيلو من الدمام

مدني يحب صلالة
يالمرحبا بالذيب
بيض الله وجهك
انا قررت آخذ بنصيحتك الاولى من العين الى صلالة طيران
وجزاك الله الف الف خيرخذ هذا لك :smile127:
طيب دامك عطيتني وجه راح ابلشك:36_7_9:
كيف احجز طيران من الآن وكذلك الشقه في صلاله ودبي كيف احجزها
ترى وانا اخوك ما قد سافرت حدي مكة وعودت يعني اخوك يبي مشورتك
يعني ابي فزعتك