وعليكم السلام
ما شاء الله بالتوفيق يا غالي
بارك الله لكما وعليكما وجمع بينكما على خير
المبارة في أي ملعب ؟
أتوقع تكون في استاد الملك فهد وإذا صارت عند القاعة بصراحة الله يعينك زحمة المباريات مالها حل غير انك تطلع بدري قبل نهاية المباراة

موعد الفرح زفت
أجل جنب الملك فهد ونصف نهائي كاس والهلال والنصر يلعبونه !!!!!!!

عندي الحل اخذلك طيارة هلوكبتر وانسى هم الزحمة ههه
الله يعينك على الزحمة والله مافي حل الا انك تطلع قبل المباراة

ياشباب صعب جداً أطلع قبل المباراة
خروجي من القاعة راح يكون الساعة 11.30
والمباراة راح تنتهي الساعة 10.15
الله يخليكم وين أفضل طريق يوصلني لشارع العليا مقر سكني
من غيز دوشة الجماهير وزحمتها

الله يعينك فعلا موعد غير مناسب

المباراة تنتهي الساعه 10 أو الساعه 9,45
تقريبا الوقت مبكر , عرس الحريم على حسب علمي ما يبدأ إلا الساعه 11 وعلى ما يخلصون الساعه 12 أو 1 يكون المنطقه حول الملعب فاضيه , أما إذا كان عرسكم سريع سريع ف الله يعينك
http://www.arabihelp.com/4im/data/media/4/Ryadah_regions.gif
شوف هذي خريطه الرياض بما انك على شارع الأمير بندر فأنصحك تطلع على شارع عبدالرحمن الناصر وتاخذ يمين
تبتل طوالي إلين يجيك طريق الإمام وتاخذ يسار تبتل طوالي وراح يجيك طريق العليا
طريق خريص زحمه مره وما انصحك تدخل فيه , طريق الملك عبدالله تقاطع الملك عبدالعزيز فيه حفريات والله يعينك اذا دخلت هناك
رح خذ لفه قبل العرس على الشوارع عشان تعرفها وتحفظها قبل ما تبتلش يوم العرس وحرمتك معاك

أفضل طريق لك بوجهة نظري من السريع
تطلع من القاعة وتتجه شمال على طريق جابر لين يجيك كبري الفحص
تدخل من تحته وتتجه يسار
هذا امتداد مخرج 8 وتروح معه حتى توصل طريق العليا

بصراحة موقف لاتحسد علية
والله اني شلت همك
المشكلة لو انها مباراة دوري كان يمكن تنتهي بالتعادل وبسرعه الجماهير تروح لبيوتها
عموما عندك حل من اثنين
اما انك تطلع بدري قبل تنتهي المباراة وهذا صعب
الحل الثاني انك تتاخر قد ماتقدر بس انتبة عط العروس خبر لاتحسب انك خايف
الله يتمم لك على خير

والمباراة خروج مغلوب يعني ممكن يصير فيها تعادل وتمديد للوقت