- الحين نبدا في الاستفسارات
مرحبا اخواتي واخواني اعضاء البوابة الحمراء.....فديت روحكم انا (مو قايلكم عريس جديد )بداية انا من المتابعين للمنتدى بشكل كبير من مدة ليست بالقليله....صراحة ابداع الله يعطيكم العافية
كما هو واضح من العنوان عريس اختار سويسرا وجهة له انترلاكن تحديدا فندق القولدن الدور الثاني الواجهة الجنوبية المطلة على النهر للي يبغا يزورنا يعني.......فيه محاولات حثيثه مع اصحاب الفندق عشان يرقونا للثالث او الرابع بس قالو ان المشكله ان فيه مسافرين يجون بشكل منتظم كل سنه للفندق فلهم الاولوية ....الى هنا حلوين
انا استفساراتي ماراح تكون عن الاماكن السياحية او تخطيط برنامج، انا ابغا اوصل فندقي بسلام ومن هناك ماعليكم ارتب عمري
الحين نبدا في الاستفسارات
وصولي راح يكون لمطار جنيف، سوالي هل فيه محطة للقطار في المطار او ضروري اروح للسنتر واطلع من هناك مباشرة لانترلاكن
انا دخلت موقع القطارات في سويسرا وشفت تقريبا معدل اربع قطارات في الساعه من جنيف لانترلاكن، فهل هذا صحيح او انا جالس ابحث بشكل خاطء وكيف اقدر احصل جميع مواعيد انطلاق القطار من محطة جنيف الى انترلاكن في يوم محدد وليس ساعة محددة ... هذا السوال شوي صعب يبغاله ناس متعودين على القطارات...فديت روح الي يحبون القطارات.......(مو قايلكم عريس جديد )
رحلتي راح تكون تقريبا عشر ايام وش انسب سويس باس لعدد (2) مع ان استخداماتنا للقطار راح تكون قليله، واختصر عليكم ماراح نطلع لقمة الينفروا ان شاء الله اتسمها صح، وهل راح تدخل تذاكر القطار من جنيف الى انترلاكن والعكس في التخفيض
هل فيه مكتب في الرياض معنمد يبيع تذاكر القطار والسويس باس، وفرضا لو شريت تذكرة على موعد معين ومامدانا نلحق القطار هل تلغى التذكرة، او الافضل اني اشتريها من هناك مباشرة بس خايف من الزحمة في الصيف يكون القطار فل......ترضون عريس يبات في الشارع.......فديت روح الي قلبهم عليه .....(يمين الله عريس جديد )
على افتراض انا وصلنا بحمد من الله وسلامته لانترلاكن....هل التكاسي متوفرة عند محطات القطار...لان الفندق حقنا شكله في مقطعه الله يسامح الي كان السبب بس الاطلاله حقته دلع
خلاص على افتراض انبسطنا في انترلاكن ونبي نرجع مطار جنيف رحلتنا تسعه الصباح فهل فيه قطارات تمشي خمسة الصبح لجنيف، ياليت احد اذا يقدر يفيدنا بكيفية الحصول على مواعيد الانطلاق من انترلاكن في يوم محدد وليس ساعه محددة....هذا السوال سبق الاشاره اليه في البرقراف السابق للي ماكانو مركزين.....فديتهم انا ( صدقتوا اني عريس جديد )
اخيرا شكرا للجميع ، تمنياتي للجميع باجازة سعيدة
شعار سفرتي هو نعم للطبيعة....لا للتسوق
من جد انت فله
بالنسبه للفله بتفلها انا متاكد
تقدر تشتري الباس اذا نزلت في المطار
بس ليش ماتستاجر سياره صدقني اطلق ...
بعدين بقولك شغله وبتقول مسافر قالي ...
بيجيك لحظه ودك تضيع باوربا وسويسرا خصوصا وماتقدر ...
وبالنسبه للقولدي اضحك الله سنك تقول في مقطعه ...