والله أنا مثلك من الجبيل ودوامي صعب وقررت أروح الأسبوع الجاي للرياض
الله يعيينك
حي السفارات واضح وأعتقد أذا ماخاب ظني أنه على طريق مكه
واللي يسأل مايتوهش واي راعي ليموزين وياكثرهم أسأله وبيقول لك
الله يوفقك
هذا رابط مهم
https://artravelers.com/p/re/522718
رابط السفاره
http://www.bmeia.gv.at/ar/botschaft/riyadh.html
خريطه تبين موقع السفاره
http://www.bmeia.gv.at/fileadmin/user_upload/bmeia/media/Vertretungsbehoerden/Riyadh/3607_botschaft___lageplan.pdf

انا خبرتي متواضعه في الشي هذا
لكن اللي اعرف ان المانيا تشترط عند دخول اراضيها ان تكون الشنقل مستخرجه منها
اما بالنسبه للنمسا هي اقرب لتطبيق القوانين الالمانيه لذا وجه نظري استخرجي الفيزا منهم انا والله عندهم يوم الاربعاء الماضي وكان بس قدامي حوالي 15 شخص وخلصت كل اجراءتي في ثلاث ساعات وعلى فكره الحرمه وضعها غير والسبب ان لها معامله خاصه وبام عيني يوم الاربعاء الماضي جت حرمه سعوديه وراحت دايركت على الشباك ولما كلمت الموظف ان الدور عندي قال لي هي وضعها غير لذلك نصيحتي لك طلع الفيزا منهم وريح بالك وفيه حاجه انا متاكد منها عن طريق شخص يعمل في مطار الملك خالد بالرياض انه ما يطلع اي شخص الى المانيا بدون ما يكون معه فيزا المانيه وانتي بوضعك ممكن تطلعين من اي مطار عندنا بس المشكله في النمسا والدليل من ضمن طالبات السفاره النمساويه تاكيد السكن خلال كامل الفتره
ولكي خالص التحيه

مشكور ياوليد الرس وبرضو الحمل الوديع الف شكر
انا جبت لكم الخبر الاكيد
انا رحت السفاره ولله الحمد يوم الاربعاء الماضي يعني قبل يومين من باب رد الجميل والنصيحه راح اقول لكم وش اللي حصل لي
وصلت حي السفارات تسعه بالضبط وعلى مافريت وحصلت السفاره جت تسعه وخمس واربعين تخيلو 45 دقيقه وانا ادور السفاره وعلشان لازم تعرفون المكان عشان ماتضيعون وقت
مكان السفاره ( اول ماتخش حي السفارات ثاني دووار تخش معه يمين بيجيك دوار تخش معه يسار واول سفاره على يمينك هي السفاره)
ماعلينا .... خشيت السفاره الساعه عشره وقدامي تقريبا 13 شخص تقريبا وطبعا اذا جت حرمه راح تمسك الشباك ولاسرى ولاغيره ladies first
الزبده ماجاني الدور الا الساعه 1:00 تخيلو ثلاث ساعات انتظار
لا وفيه ناس يردونهم الا ناقصه ختم كشف الحساب والا جايك مصور بشماغ واللي واللي الى اخره
طبعا الحمد لله قبلو اوراقي ولكن فيه شي نبهوني عليه وانا انصح كل من بيروح يقدم في السفاره انا ينتبه للشغله هذي
اللي بيطلع فيزا لزوجته لازم هي توقع في الابليكيشن موشرط تروح معه ولكن توقعها في البيت وتاخذ الابليكيشن تقدمها او انت وقع عنها بس توقيع غير عن توقيعك
طبعا انا وقعت عنها ونفس توقيعي وقالو راح نقبل ونطلع لك الفيزا ولكن مانسلمك الجوازات الا اذا جبت زوجتك وتوقع عندنا وهذا اللي صار لي والله يعين

من جد نقطه غابت عني
تصدق مع اني مضبط أموري كلها من ناحية الفيزا وماشي على شروطهم بموقع السفاره عالنت بحذافيرها
لكن من جد غابت عن بالي هالنقطه
ألف شكر لك
بس عندي كم سؤال لك
نقطه 2
Surname at birth (Former family name(s)) اللقب عند الولاده (قبل الزواج ) وش كتبت بهالنقطه (مافهمتها)
نقطه 31
وبعد بالنقطه اللي يقول لك فيها (أسم الداعي) أو اسم الفندق
يعني أذكر له أول فندق بسكن فيه بالفندق وأرقامه وفاكسه وايميله
أو كل الفنادق
نقطه 32
وسؤال
أسم الشركه او المنظمه الداعيه والعنوان
ويعطيك الف عافيه على المعلومات القيمه
تشكراتي لك
وليد من الجبيل الصناعيه

هلا بك ياوليد
طبعا انا جهزت كل شي قبل لاروح عساس كذا الحمد لله خذو اوراقي بس غابت عني النقطه اللي ذكرتها سابقا
بالنسبه للنقطه 2
اكتب اسم العايله
النقطه 31 اي نعم تكتب اسم اول فندق بتوصله والرقم والفاكس والايميل
اما النقطه 32 برضو تكتب اسم اول فندق راح توصل له
وحاضرين ياوليد لأي سؤال
اخوك غلاك صدفه (الجيبل الصناعيه )