اولا السلام عليكم ورحمة الله وبركاته
ثانيه اذا تبي الشاليها فهي كثيره لاكن اهمهم الي هم في عاصمة الدوحه وراح ارتب لك من الافضل الى الاسوء مع انهم كلهم ممتازين
1 - حياة جراند (( جدا جدا حلو لوجود جمبه الجزيره الصناعيه والناطحات السحاب واكبر مجمع في قطر وعلى البحر )
2 - فندق ومنتجع شرق (( هذا حلو بس ماسكنت فيه صج صج فخم ويقع على البحر وهو قريب من مطار قطر ))
الاماكن المفتوحه اول ماتحس الجو بارد او حلو روح اسباير زون وهي حديقه مع بحيره وهذا المكان جميل جدا لانه جمبه بالظبط ارقى مجمع في قطر وهو فيلاجيو مول يعني اي وقت تمللت من الحديقه روح مجمع فيلاجيو وفي نفس الوقت في مجمع ثاني بعد جمب الحديقه بالظبط وهو مجمع عادي جدا لاكن الالعاب حلوه للطفال وعندك جزيرة الؤلؤه وهذا مكان ممشى واسواق وهذا افخم مكان في قطر باختصار
1 - the pearl جزيرة الؤلؤه
2 - اسباير زون
3 - حديقة الحيوانات
المجمعات راح ارتبلك من اكبر لين اصغر
1- سيتي سنتر (( مجمع كبير جدا ويقع بين الابراج وناطحات السحاب يعني مايضيع ))
2- فيلاجيو (( يعتبر من افخم 5 مجمعات في العالم لانه صج صج فخم ومايضيع لانك اول ماتدخل الدوحه بتلاقي قدامك برج الشعله الكبير هو جمبه بالظبط ))
3 - لاند مارك (( مجمع حلو وهادي ))
4 - حياة بلازا
5 - رويال بلازا
والحين راح نجي لاهم مكان في قطر الي ولا خليجي ماطب في هذا المكان وطبعا لازم تروحه بعد صلاة المغرب يكون احسن واحلى (( سوق واقف )) لازم تشوفلك يوم عشان تروحه
متحف الفن الاسلامي ( متحف فخم جدا وهو من المتاحف العالميه بس ماينفع حق اطفال ))
ت
والحين راح ارتبلك الاماكن حق اربع ايام
اول يوم (( سيتي سنتر , وجزيرة الؤلؤه لانهم جمب بعض ))
ثاني يوم (( سوق واقف ))
ثالث يوم حديقة الحيوان (( كلكم راح تستانسون كبار وصغار لانه فعلا جميله ))
رابع يوم (( فيلاجيو مول واسباير زون لانه تفصلهم عن بعض امتار فقط ))
,,,,

تسلم اخوي على المعلومات بصراحه جهد تشكر عليه
انا رايح بالعائله هل ينصح فيه واذا عندك الويت سايت عشان الحجوزات ولا التلفون
انا بصراحه ودي اروح استنانس انا واهلي
تسلماخوي مره ثانيه على المعلومات
لك خالص شكري

نعم فندق ومنتجع غراند حياة تره هو فندق والجهه الثانيه شاليه يعني هم جمب بعض بالضبط بس يفصلهم عن بعض جدار اذا وانت تحجز حاسب تاخذ فندق قولهم ابي شاليه وبعدين اذا جبيت قطر وماتدل الطريق قول حق العرب وين جزيرة الؤلؤه واذا لقيت اجنبي قوله وين the pearl لان اول ماتوصل عند جزيرة اللؤلؤه تلاقي على يدك اليسار نفس تصميم شعبي خليجي هاي هو بس روح وحجز وهاي الويب سايت مالهم
http://www.doha.grand.hyatt.com/hyatt/hotels/index.jsp
وانت داخل الموقع شوق مكتوب photo ادخل عليه وشوف الصور

والحين راح ارتبلك الاماكن حق اربع ايام
اول يوم (( سيتي سنتر وتغدا هناك واذا كان الجو حلوو اطلع بعدها على كورنيش الدوحة لانه قريب منه ونزل كرسي الولد من جهة المطاعم ( بتلقى دلة رسلان بيضة كبيره ) اقصد هالمنطقه ههه هنا يسهل عليك تنزل كرسي الولد ولما تبتدي الشمس تغيب بس ماتظلم الدنيا أطلع على اللؤلؤة عشان تشوفها فالنور وبعد إضاءة الأنوار , وجزيرة الؤلؤه لانهم جمب بعض والعشا تقدر تروح التنس والإسكواش فيه 3 مطاعم هندي والباقي ستيكات ومقالي اللي هم فدركرز وبنجنز او تتعشى فالمكان اللي يريحك ))
ثاني يوم (( الصبح مجمع اللاند مارك تمشي وتلعبي العيال وتتغدى وتطلع عالفندق ترتاح وقبل اذان المغرب تطلع على سوق واقف تصلي هناك وتشوف السوق بالليل وتتعشى هناك وعندك خيارات كثير من كل الدول ))
ثالث يوم حديقة الحيوان والصبح استغله فالإستفادة من مرافق الفندق أو تروح المول هو مجمع صغير وملموم بس حلو وعالساعة 3 تكون متواجد في حديقة الحيوان (( كلكم راح تستانسون كبار وصغار لانه فعلا جميله ))
رابع يوم (( فيلاجيو مول واسباير زون لانه تفصلهم عن بعض امتار فقط )) بعد حلوة الحديقة تشوفها على مرحلتين ليل ونهار قبل الغروب حلوة وشرحة وبعد الغروب إضاءتها حلووةواعذرني أخوي روك عدلت على برنامجك وباين إن الإضافة باللون الأحمر

روح المسك اول شي خذ راحتك اخوي ومشكور على دعديلك للمعلومات هع هع

اخوي حبيت اعدل بعض معلوماتي في اول رد كتبته يوم سئلت اهلي عن غراند حياة قالولي الافضل في قطر بس اسعاره فوق 3500 ريال في اليوم وطلع الصرف الي تحتاجونه فوق 15000 ريال مع السكن والصرف والاكل تقريبا والسموحه اذا زعلناك بالاسعار !!!!!

جبتلك رابط منتجع حياة غراند هنا تستطيع انت ترى صور كثير حلوه عن المنتجع
https://artravelers.com/p/re/306246

تسلمولي والله وماقصرت ياغالي the rock
بجد ماقصرت معاي من معلومات وصور وروابط وايضا روح المسك
وان شاء الله تشرفون السعودية واقدر اخدمكم
تحياتي