اختي لولو
اول شي حياج الله انتي واهلج في ديرتكم وبتنور الكويت بوجودكم
ثاني شي اسفه ما اقدر افيج بالسكن ان شاء الله الاخوان يساعدونج فيه انا راح اساعدج في الامكان ان شاء الله..
اول شي المولات : خالصين من الافنيوز
1- مارينا مول السالمية شارع الخليج و مارينا كرسنت جهة البحر كلها قهاوي وقعده حلوة.
2- سوق شرق (منطقة شرق ) على البحر بما انج تبين مركز السلطان مرة وحده تشوفين سوق شرق وفية مركز السلطان واهو عباره عن جمعية بس كل شي فية يعني اكثر من الجمعية.
3- ستي سنتر ( سوق السالمية ).
4- 360 مول جنوب السره او الكوت في الفحيحيل حلو وهادي وقهاوي على جهة النوافير.
بالنسبة للملاهي :
1- المدينة الترفيهية (منطقة الدوحه ) بما ان الجو وايد حلو انصحكم تروحون وان شاء الله تستانسون بس بتكون زحمة عيد اشوي ( للكبار والصغار).
2- حديقة الشعب (شارع الخليج ) نفس الشي حلوة (للكبار والصغار).
3- حولي بارك ( منطقة حولي ) للصغار.
4- ديسكفري (الكويت ) او المركز العلمي (شارع الخليج ) . انا انصح في المركز العلمي حلو الاكواريوم .
المطاعم:
1- فريج صويلح (شارع سالم المبارك او من اتجاه مارينا ) اكله كويتي.
2- مغل محل ( فوق ماركس & سبنسر يم المارينا شارع الخليج) هندي.
3- ميس الغانم ( شارع الخليج اتجاة سوق شرق ) لبناني.
4- نينو ( شارع الخليج على البحر مباشره ) ايطالي.
5- الصنوبر ( شارع البلاجات على البحر مباشره) لبناني.
6- fish market ( شارع الخليج يم الابراج ) بحري

• المباركية (سوق الديره الكويت ) شعبي بس وناسة وحلوه القعده في القهاوي
• المطار ما انصحج فيه لانه عادي ونفس المحلات بتحصلينهم في المولات ماكو شي يفرق عنهم

واتنمى لكم رحلة موفقه ان شاء الله وتستانسون بين اهلكم واي خدمة حاضريين
وحياكم الله مره ثانية

مشالله عليكي لولو
ما خليتي شي
المهم
هذه دليل السفر للكويت وموسوعة الكويت السياحة فيه كل المعلومات عن الفنادق
https://artravelers.com/p/re/226092
بالنسبة لمركز سلطان اذا انتي من السعوديه اهو نفس نظام بنده وفيه كذلك ستي سنتر
لان انتي ذكرتي المولات ومن ضمنهم ستي سنتر مافيه مول باسم ستي سنتر
ستي سنتر ومركز سلطان نفس نظام بنده
وستي سنتر موجود فيه مجمع سوق السالمية وفيه العاب ومقاهي ومطاعم
وعندك المنشر مول جنب الكوت
ومول المهلب في حولي
وعندك الفنار وزهره ، وتالا ، ولاند مارك وكلهم جنب ليلي قاليري بشارع واحد شارع سالم المبارك
وطبعا لا تنسين ابراج الكويت
هذا اللي قدرنا عليه ... والسمووحه

q8ya metnaqla
الله يعافيك
ومشكورين
بس فيه ملاحظه
يعني احنا عائلة محافظة شوي مانحب نحضر الحفلات الغنائية
وين تقام فيه عشان نتجنبها

مشاء الله عارفه كل شي عن الكويت شبقا نعلمج ههه
روحي الافنيوز وروحي مجمع الفنار جدامه مركز سلطان عباره عن سبر مراكت بس غالبيه منتجاته امريكيه يعني في شغالات غريبه غير نفس الوقت عباره عن جمعيه وجنب مركز سلطان مجمع الفنار ومجمع ليلى جالري وجنبهم بعد مجمع البستان وهم يمهم المارينا بس تحتاجين سياره علشان تنتقلين الى المارنيا
اما بنسبه لدار العوضي ما انصحج تروحينله مافيه شي وحتن مجمع 360 جديد وغالبيه محلات لم تفتح بعد
مجمع الرايه مجمع كله ماركات اهو ومجمع صالحيه
مجمع ستي سنتر مغارب لأسواق الشعبيه واكثر ملابسه رخيصه
مجمع الكويت حلو قعده فيه بره على حوض كبير بوسطهم نافوره راقصه
بس كمجمع مافيه محلات وايد
مطاعم جربي ميس الغانم (لبناني)
وجربي صنوبر عندهم كبده دجاج رهيبه (لبناني)
أبل بيز مطعم امريكي
اذا رحتي الكويت في مطعم اسمه ميجنا ايد حلو
واذا رحتي الافنيوز جربي مطعم فوق اسمه رايز طريقته بتعقديم الاكل جديده
هذا بنسبه لي
ووشكرا