وعليكم السلام روحمة الله وبركاتة
ووش افضل طريقة للمحافظة على الجوازات لاننا شايلين همها .
رح لفندق ... بعض الفنادق مايرضون .. وبعضهم يقبلون
وفيه واحد عرض علينا سيارة بسواق 24 ساعه ب 100 ريال يومياً انا اشوف انها غالية .
وش رايكم انتم ؟
هل افضل اخذ تاكسي ؟
او سيارة بسواق يومياً ؟
مصر بدون تكاسي ماكنك رحت مصر ...
وسعر السيارة بالسواق زين .. 100 ريال
ومن ناحية صرف الفلوس هل اخليها شيكات سياحية ؟
ام ريالات او دولارات او جنيهات ؟
شيكات سياحية غثة كل يوم رح بنك ولا صراف ... وخذ جوازك معك واذا ماتطابق توقيعك مع التوقيع الي في الشيك يقدر يستعبط ويقولك ما اقدر اصرفلك ...
خذ كاش .. وحبذا لو كان دولارات

والله اذا انت نفسك خايسه مثلي وما تقبل اي شي
ماراح تنبسط بالشقق لان القاهره صعب تحصل شقه نظيف الا بعد التعب
الاوتيل راحه
الجوازات بما اني اسكن بأوتيل فاحطها هناك
السواق حلو سعره
اذا انت طلعاتك واجد حلو لكن اذا انت طلعاتك قليله وبأوقات معينه خذ لك تاكسي
لان احيانا يمر عليك يوم ماتطلع مشاوير بعيده
والتكاسي اشرط عليه قبل ماتركب لا يقولك الي تدفعه وتركب ترا بيعطيك دبل
قبل لاتركب اساله وان قال الي تدفعه قل بدفع كذا
لاتعطي حقين التكاسي وجه ترا بيبالغون
فلوسك اصرفها دولارات
واصرفلك من هنا 200 جنيه علشان او ماتوصل تكون محتاج فلوس لتاكسي او للي بيساعدك بشنطك
وانتبه من حقين السياحه الي يمسكون ويقولون ربحت معانا وهالخرابيط بتحصلهم بالاسواق وبشارع جامعه الدول
امش وطنش
تبي تنبسط بالقاهره لا تتنرفز وطنش واضحك وخذ كل شي بساعه صدر
وصدقني بتنبسط
مو كني بربرت كثير
المهم اي شي من عيوني

ابو خالد
1/افضل منطقه المهندسين الزمالك الدقي
2/سعر شقه 3 غرف ما بين 300الي 400 جنيه
3/ضع اغراضك المهمه في احد الغرف وخل
المفتاح معاك علي طول والافضل تغيير الكالون
4/100 ريال =160 جنيه مبلغ مبالغ فيه
ولا تنسي التكسي ما راح تحتاجه طول الوقت
وسعرها في الصيف تقريبا من 70 ال100 جنيه
علي اساس المشاوير ما تبدأ الا بعد الظهر الي
آخر الليل
5/خذ الفلوس كاش والافضل دولارات
مع تمنياتي برحله سعيده
المسافر2

رايي من رأي الأخوه وما ذكروه
سعر 100 ريال مناسب لليوم
وخذ ريال لا تاخذ دولار .. لان الريال مطلوب هاليومين عندهم بسبب موسمي العمره والحج

بأذن الله راح تنبسط وانا انشالله ثالث العيد راح اكون هناك
عموما .. راح ارد عليك من خلال وجهة نظري ..!!
وش افضل مناطق للسكن في القاهرة للعزاب ؟
بصراحه مبدأياً أٌقولك الدقي والمهندسين .. احياء راقيه ..
لكن بعد ما تضبط لك سواق صح .. بعدين راح يصير يدبر لك شقق افضل وحسب طلبك @
وكم اسعار الشقق لشقة تتكون من ثلاث غرف نظيفة ؟
الثلاث غرف حسب علمي تتراوح مابين 500 إلى 800 وهي حسب نظافتها وموقعها ومواصفاتها ..!
لكن ما اعتقد انها تقل عن 500 خاصه في احياء الدقي والمهندسين .. وايضا موسم ..!!
وهل فيه تلفونات مكاتب .؟
والله ما عندي لكن للمعلوميه دامها أول مره لكم ولا دبرتو احد يضبط وضعكم هناك .. اما سواق ولا شغاله راح يلطخونكم بالسعر ..
ووش افضل طريقة للمحافظة على الجوازات لاننا شايلين همها .
بصراحه انا سواقي من الناس الامينين جدا جدا .. لذلك اول ما اوصل اعطيه اياها .. وقبل ما ارجع اخذها منه ..
لكن انا اقترح انك اذا كنت في فندق تخليها مع الاستقبال ..
أو اول ما توصل للشقه تشوف لك مكان اما تحت دولاب او في وسط سرير .. مكان ما يخطر ببال احد ..
وكل ما جيتو تطلعون تقفلون الشقه بالمفتاح وانشالله ما عليها خوف ..
هل فيه صناديق مركزية لحفظها ؟
بصراحه ما عندي خلفيه
وفيه واحد عرض علينا سيارة بسواق 24 ساعه ب 100 ريال يومياً انا اشوف انها غالية .
بصراحه اللي اعرفه 100 جنيه تعتبر جدا مناسبه خصوصا انها ايام عيد ..
انا اقل سواق من سواويق ربعي ياخذ 120 جنيه والاغلبيه من 150 جنيه
وش رايكم انتم ؟هل افضل اخذ تاكسي ؟او سيارة بسواق يومياً ؟
اقترح شخصيا السواق اريح لكم كثير .. يصير ناصح لكم ويمشيكم اللي تبون وينتظركم ..
واذا كان سواق مضبوط راح يخليكم على كفوف الراحه من مقاضي من حاجات من اغراض من اماكن سياحيه .. يعني يبسطكم .. بيني وبينك اصرف من قلق التكاسي وغلاضتهم ومشاكلهم تراها واجد ..
ومن ناحية صرف الفلوس هل اخليها شيكات سياحية ؟ ام ريالات او دولارات او جنيهات ؟
من ناحيتي اخلي اكثر من نص المصروف كاش بالدولار معي (( لان اوراقه تكون اقل )) واذا احتجت شيء صرفت من الصراف .. ونادرا ما احتاج كثير ..
تحياتي لك .. واذا تبي نصيحه من اخوك .. لا تسوون او تشترون اي شيء قبل ما تسألون عن سعره وتكاسرون وتتفقون مع راعيه .. ومهيب عيب
لان المشاكل هناك اكثرها بسبب عدم الاتفاق .. فتكفون لا تسوون اي شيء قبل ما تسالون عن السعر ..
تحياتي لك واتمنى لك رحله موفقه

مرحبا سلطان..
شدني موظوع السياره 100 جنيه ليوم كامل 24ساعه مع سواق.... جداً ممتاز
بس إتأكد من نوع السياره؟ وإتأكد من موظوع ال24 ساعه لأن اليوم في مصر 10 أو 12ساعه !! وهذا قانونهم في إجار السيارات.
أنا خذت سياره 2005 مع سائق 10ساعات (يعني يوم كامل) ب200 جنيه.
و بالسلامه.......

انصحك تسكن في اوتيل وتفتك من الشقيق واذا كنت تبي شي رخيص عندك فندق زايد واطلس كلها حلوه وقريبه من شارع جامعة الدول وزايد ارخص