sђahLa
29-09-2022 - 12:46 am
مساء الخير
عندي عدة استفسارات بخصوص لندن
اول استفسار
حنا عددنا 4 اشخاص كبار
وان شاء الله ناوين نروح بالصيف
تاريخ 8/6/2012
حابه اعرف كم ميزانية الشخص الواحد
طبعا من غير تذاكر و من غير سكن
لمدة اسبوع في لندن
ثاني استفسار
اللغة الانجليزيه مو مره
و اول مره نروح لندن
هل هذي تعد مشكلة !
ثالث استفسار
بخصوص الفيزا
الي اعرفه ان الفيزا البريطانيه لحالها
و حنا ناوين ان شاء الله نروح فرنسا و سويسرا
عن طريق اليورو ستار
الي ابي اعرفه نطلع فيزتين ؟
وكم اسعارهم
رابع استفسار
ياليت الي يعرف شقة حلوه
تكون ب لندن و قريبة من الهايد بارك
وسعرها حلو يعني بحدود ال 800 ريال باليوم
خامس استفسار
هل تكفي 14 يوم لزيارة
لندن و فرنسا و سويسرا ؟
لندن 5 ايام
فرنسا 3 ايام
سويسرا 6 ايام ( يومين انترلاكن _ يومين زيورخ _ يومين جنيف )
وهل يفضل الذهاب الى سويسرا ثم فرنسا ثم لندن
ولا العكس ؟
سادس استفسار
كم التكلفة التقريبية للشخص الواحد لمدة 14 يوم
من حيث التنقلات و الاكل و التمشية و التسوق
وان شاء الله ما اكون ازعجتكم
سأجيبك بما يخص السكن والتنقل
في لندن تستطيع العيش باية ميزانيه فبإمكانك ان تحصل على وجبة من 2 الى 20 باوند واكثر كذلك على حسب رغبتك
لكن بالعموم ما يكون في الاماكن السياحية مثل الهايد بارك واكسفورد ستريت والبيكاديلي و يحتاج صرف
تذاكر دخول وغالبا تكون بين 20 وال 30 >>> اتكلم بالباوند والمطاعم اللي فيها تكون غالية عموما
وعلى فكره انا ازور المطعم خلال الايام العادية وازوره في وقت السياحة فأجد الفرق واضح
واما ما يتعلق بالنقل فداخل لندن عندك خيارات وهي الباصات تكلفة النقل لمره 1و30 ,والاندر قراوند حوله بالسعر والتاكسي ويريحك من هذا كله بطاقة اسبوعيه تاخذها وتتنقل فيها من دون كلفة زائده اذكر انها ب 14 باوند ولا اعلم هل زاد او لاويستطيع المجموعة يأخذو تذكره واحده تسمى group يكون فيها تخفيض بسيط
الله يوفقكم وتاصلون بالسلامة