السلام عليكم ورحمة الله وبركاته
والله مو من عادتي أكون سلبي ، او متشائم .. بس تورطت !!
انا من سكان الجبيل الصناعيه ومكتب الاعتماد اللي في الخبر حق خدمات السفارات ( النمسا والمانيا واسبانيا ) هو اقرب حل لي لاستخراج الفيزا لي ولأهلي ..
من أكثر من اسبوع وانا احاول بالحصول ع موعد لتقديم والاوراق والرساله وحده ..
لا يمكن حجز موعد ! وموعد سفرتي بعد 42 يوم .. وانا احاول من كان ع سفري 55 يوم وماكنت القى موعد أبد :/
قلت خلني اتوكل ع الله واروح للمكتب ، اخذت اهلي كلهم ومشيت .. ويوم وصلت المكتب الساعه 8 ونص
لقيت تقريبا قدامي 11 رجال ، كلهم ينتظرون ومو لاقين موعد نفس حالتي ، لقيت مصري واقف عند الباب ..
قالي عندك موعد .. ؟ قلت والموعد قدرت اخذه ؟ موقعكم عله ولايعطي مواعيد ..
قالي اصبر مع الاخوان دول ..
وكل شوي يقول واللهي مانئدرش ، والنظام كويس ، أهو المدير بيئول شغال معاه ..
قلت خل مديرك يجي .. قال بيئول لاء .. مش شغلي .. قلت يابن الحلال ماحنا ماكلينه ..
والمدير ( طبعا قالوا لي هندي انه بعدين ) .. كان فيه شايب جنبي يبي المانيا ونفس المشكله وناس مشكلتهم اسبانيا .. وبرضوه بزنس ولاقادرين ياخذون موعد .. ولاهم راضين يستقبولنهم ..
قلت له انا مغيب العائله عن مدارسهم ، وصارف حجوزات لمدة شهر بقيمه تتعدى الخمسين الف .. ومسوي مواعيد في أقصى العالم .. واعجز اسوي موعد معاكم ! لا يعقل .. والله مايعقل ..
المصري برضو تعاطف مع كلامي قدام اللي معي ، وقال بحاول .. وبعدها رجع .. قال والله مافيه .. خلاص ..
المدير بيئول يعملو اللي يعملوه .. بيشتكو .. ويسوو اللي يسووه ..
ولقيت ناس يتكلمون عن انهم نفس المشكله الايام اللي راحت ، وتكررت .. ورفض يدخل احد من دون موعد ..
طيب عطنا موعد .. يقول مفيش ..
وشلون تستوعب معه ، وشلون تفهم عقله .. عطنا .. يقول من الموقع .. الموقع مايعطي .. مفيش .. !!
يا عالم وش السالفه ؟ وش العلم .. !! ادز للرياض بخمس انفار عائله .. وبعدين الاختبارات قربت ..
وش الدبره .. اشيروا علي ..