..أم منصور..
21-09-2022 - 06:45 pm
بسم الله الرحمن الرحيم
أخواني أهالي صلالة ..
بصراحة ودنا نزور مدينتكم .. .. وكنا ناويين نطلع يوم الخميس من الإمارات .. ..
لكن للأسف اضطرينا نأجل السفر لين نحصل شقق مفروشة .. ..
ياريت لو حد يقدر يسأل لنا عن شقق مفروشة حلوة ونظيفة وممتازة بحي السعادة وما تكون فل .. يعني يكون في امكانية إن نحجز فيها ..
لأن بعض الأهالي إلي حاليا في صلالة طلبنا منهم إن يحجزون لنا .. لكن كلما راحوا مكان يقولون لهم فل ..
ياريت لو حد من هناك يشوف لنا شقق حلوة .. تقريبا احنا 4 عوائل .. عائلتين كبيرة .. وعائلتين صغيرة (معاريس إن صح التعبير) ..
ياريت فزعتكم .. لأن هم الشقق المفروشة مأرقنا .. :112: ..
بسرعة الله يخليكم ..
أختكم أم فيصل
أفا مافي أي رد !!
وين الناس وين الجماعة ؟؟
وين أهل صلالة ؟؟ أهل الذوق والأصالة ؟؟
أم فيصل