يوم واحد تبينا نعدد لك اماكن كثيرة؟!!!!!!
ياريت تحدد ايش الاماكن اللي تبي تزورها..يعني تبي اسواق ولا مطاعم ولاتمشي((في الحر))

الله يهديك اللى يشوفك يقول رايح باريس طالع من حر رايح لحر ولمده يوم واحد خلص شغلك واقعد فى الفندق اريح لك

في الحقيقه عندي شغل بقطر واول مره اروح فقلت نتمشى
وش المجمعات التي تستحق الزياره
والمطاعم
والالعاب الترفيهيه
شكرا

اخوي فيصل انا توني جاي من قطر لحضور مناسبة زفاف أحد أبناء العمومه وما قضيت هناك ألا ليله واحده
عموماً أنصحك بزيارة :

• * سوق سيتي سنتر وهو قريب من الكورنيش سوق مرتب وفيه مطاعم و كافيهات وصالة تزلج للأطفال وفيه

سينما مرتبه

• * الكورنيش حلو ومرتب والقعده عليه حلوه بس اذا كان الجو حلو مو رطوبه

هذا اللي انا اعرفه فقط
السكن : سكنت في فندق رمادا وما انصحك تسكن فيه على انه 5 نجوم لانه قديم جداً بس اشوف كأنهم ناوين يجددونه ونفس الوقت غالي أخذته ب 550 ريال مع ان احد أبناء العمومه اللي جاي من الرياض سكن في الأنتركونتننتال ب 680 ريال ويمدحه يقول مرتب .... انا سكنت في رمادا لأنه قريب من الطريق المؤدي للسعوديه ولأني ما ادل في الدوحه

يا أبوي روح وخلص شغلك واشرب لك عصير مانجا من شارع السد وارجع مافيه الجو غير مقبول

ههه
الجو غير مقبول في المناطق الساحلية لشبة الجزيرة العربية كلها ،،
تحياتي ،، وأخوي المهاجر ،، أنا زعلان منك
تجي الدوحة
لا وتسكن في فندق رمادا الي احذى بيتنا ،، وماتتصل فيني
تحياتي لكم

السيتي سنتر يعتبر من أفخم وأكبر المجمعات في الدول العربية وتجد فيه كل ما تحتاج إليه من التسوق والترفيه والمطاعم وبإمكانك قضاء يوم كامل فيه دون الشعور بالملل.

بومحمد
أبشر بسعدك
عندي زياره قريبه للدوحه وإن شاء الله نشوفك فيها
تقبل تحياتي

إسمع ياخوي فيصل أنا توني جاي من الدوحه وجالس كم يوم مودي الزوجه لأهلها تسلم عليهم
عندك الاسواق
1.سيتي سنتر
2.حياة بلازا
3.المول
4.لاند مارك
5. سوق واقف وهو سوق شعبي قديم
6. السوق اللي هو اسواق الجبر والمحمود
المطاعم عندك
1.المجالس في السد
2. فينيسيا في السد
3. الشاطر عباس في حياة بلازا لهم فرع
السينمات
1. سينما السيتي سنتر
2.سينما اللاند مارك
3. سينما الخليج
هذا الي حاضرني الحين اعتقد يوم واحد اختار لك إختيار واحد من اللي فوق مطعم واحد وسينما وحده وسوق واحد
وسلامتكم صح لساني