- السلام عليكم ورحمة الله وبركاته
- نبي برنامج اقتصادي قدر الإمكان
- وانصحونا في المانيا(3ميونخ) و النمسا (2فينا -2 سالزبورغ - 4 وزيلامسي)
- واخر شي جا في بالي سويسرا وفرنسا
السلام عليكم ورحمة الله وبركاته
حنا شخصين واول مرة بنطلع اوروبا لمدة 10 او 12 يوم بالكثير / بنطلع في 20 اكتوبر ... جونا شبابي ونبي نشوف كل شي قدر الامكان / طبيعة / جبال / منطقة ساحلية / ثلوج / تمدن / حضارة / ثقافة اوربا / نشاطات عامة (في الشوارع) ونشاطات شبابية (تزلج ع الثلج وبرشوت)
بنأجر سيارة
و
نبي برنامج اقتصادي قدر الإمكان
لزوم نقرر على الدول اللي بنروحها هاليومين عشان نقدم على الفيزا هالسبوع / مره مافي وقت
تعبنا واحنا نبحث في التقارير ... فكرنا في اسبانيا والبرتغال / لأن اسبانيا فيها تمدن وحركات شبابية بس مافيها طبيعة وثلوج /فقلنا بندمج معاها البرتغال لأنها طبيعية / بس البرتغال تقاريرها قليلة وجمالها في الجزر وحنا بنأجر سيارة ويمدينا نرتب خطة لها الدولتين هاليومين ف كنسلناهم
فكرنا في النرويج و الدنمارك / شفت تقرير واحد عنها واعجبتني بس التقارير عليها قليلة ومايمدي نرتب لها هالاسبوع ويبدوا لي ان الدولتين غاليات ف سفطناهم على جنب
وانصحونا في المانيا(3ميونخ) و النمسا (2فينا -2 سالزبورغ - 4 وزيلامسي)
واخر شي جا في بالي سويسرا وفرنسا
ف نبي نصيحتكم بين (المانيا و النمسا) وبين (فرنسا وسويسرا) او اي اقتراح ثاني يناسب متطلباتنا الشبابية / بس اقتراح يمديني اسوي خطة كاملة هالسبوع واحجز فنادق وطيران لأني على الخميس الجاي بالكثير بقدم اوراقي للسفارة
فزعتكم ياجماعة الربع
سأقوم بنقل استفسارك للبوابة السياحية
فهي المكان المناسب لاختيار وجهة السفر
و الكل ما يقصر هناك
رحلة موفقة