اختي المسالة بسيطة جدا ، اذا وصلتي للفندق بالسلامة اساليهم عن رحلات بكرة الى سالزبورج ( يوجد رحلة كل ساعة او نصف ساعة ) وقبل الموعد بنصف ساعة روحي لمحطة ( ويست بانهوف ) واقطعي التذكرة واصعدي القطار وانصحك لا تحجزين شي من السعودية

اختي مثل ماقالك خبيرنا عبدالاله .. لاتحجزين شي من هنا .. وترا الموضوع سهل جدا .. الفندق يعطيك المواعيد وانتي اختاري وحتى لو تبين هو يحجز لك .. والمحطة حقت فيينا اسمها Wien Westbahnhof‎ ومحطات سالزبورق وزيلامسي على نفس اسمهم ..
فيينا >> سالزبورق .. بدون توقف ( 3 ساعات و 8 دقائق .. بسعر 47.50 يورو للشخص تقريبا )
سالزبورق >> زيلامسي .. بدون توقف ( ا ساعة و 20 دقيقة .. بسعر 20.10 يورو للشخص تقريبا )
زيلامسي >> فيينا .. توقف في سالزبورق وتبديل القطار ( 4 ساعات ونصف .. بسعر 49.30 يورو للشخص تقريبا )
بالتوفيق ..

جنى الرياض
قبل ثلاثة ايام قطعت تذاكري من فينا الى سالزبورغ قبل الرحلة بيوم طبعت جدول الرحلات بأوقاتها من الفندق وبعدها ذهبت الى ويست بانهوف وهناك شركة القطار qbb وطلعت على التذكرتين مع التأكيد 86 يورو درجة ثانية ولا استفتدت من التأكيد لاني قدمت الرحلة وركبت على قطار ثاني بوقت آخر .. ومثل ماقالوا الاخوان كل ساعة يمشي قطار مثلاُ امس ذهبت الى المحطة كي اقطع تذاكر القطار على زيلامسي غداً فأخبروني لابد من نفس اليوم ..
اتمنى اكون افدتك

عبادي2009
معليش اخوي بخصوص معلومة الحجز لليوم التالي تحتاج الى مراجعة ؟؟!! لاني انا قصيتها من هناك لليوم الثاني وحجزت كبينة خاصة لعائلتي ولانه ليس من المعقول ان يرفض حجز لليوم التالي ؟ ممكن ما فهموا عليك او شيء من هالقبيل او الموظف يستهبل لان موظفين محطة قطار فينا مشهورين بشينة النفس والعنصرية وخصوصا مكتب الاستعلامات الذي باخر المحطه الله لا يوفقه نفس شينه وعنصرية بغيضه تحياتي

جنى الرياض
يعطيكم العافيه عندي استفسار واتمنى تجاوبوني
لان رحلتي بكرى ومافيه وقت
ابي اسم القطار اللي راح يوديني من فيينا لسالزبورج وزيلامسي وارجع لفيينا مره ثانيه
وتكون التذكره مفتوحه لعده اياام
اتمنى اعرف من وين احجز من هناك واسم القطار بالظبط
لاني رحت******** اللي هنا ولقيت التذكره با 500 واحسها غاليه واحنا عائله
وكني قريت قبل انها بحدود 250 اذا ماني غلطانه
فودي احجز من هناك
ابي اي معلومات عنها ياليت تفيدوني باسرع وقت وشكرا
تقدر تقصها من الفندق عادي خله يطبع لك جدول الرحلات واختر الرحلة اللي تبغاها والفندق بيكون تعاملهم افضل لان بعض موظفين المحطة انفسهم شينه وممكن تطيح في واحد علة وخصوصا حقين الاستعلامات وعلى فكره ترى هناك اكثر من رحلة مباشره الى سالزبيرق وبعضها ياخذ وقت اكثر ما ادري ليش ؟؟؟ ممكن القطار بطيء دقق في الوقت وشوف اللي يناسبك وبالنسبه لزل امسي هناك رحلات من فينا والمباشره قليلة معظمها غير مباشر يحتاج تغيير قطار وافضلها التي عن طريق سالزبيرق لان الوقت اقل تحياتي

يا اخوان علموني ايش اسم التذكره اللي قلتلكم عليها تكون مفتوحه لمده اسبوع مثلاا
وسعرهاا..
لان الزومان قال با 500 وبالنسبه للاسعار اللي قالها بيمو فالزومان ارخص من هناك
وانا خايفه انهم مايفهمون قصدي