فندق سالزبورغ
Nh سالزبورغ سيتي
نفس السوال وينه عن السنتر

انا لما خططت لرحلتي كنت حاجز في فندق ليوناردو بس ما كنت مرتاح لهذا الفندق لان سعره اقل من الفنادق الباقية بكثير ، رغم انه مو بعيد عن محطه القطار وقريب منه كل شي ، لكن كنت حاسس انه فيه عله عشن كده سعره رخيص ، بس غيرته لفندق ادين وولف وهو مقابل لمحطه القطار ، بس انا اللى افتكر اللى ما خلاني ارتاح لهذا الفندق في اراء النزلاء ان المنطقه اللى فيها الفندق كلها بارات ومخشوش في شارع ضيق وراح تشوفي السكرانين حولينك اذا مشيتي في الليل ، وثاني شي كان فيه كم نزيل يشتكي من ان الفندق يعمل لهم خربطه ويسحبوا مبالغ من الكريديت كارد. عموما انت اكتبي في قوقل فندق ليوناردوا ميونخ وراح يجيكي كم موضوع عنه .
فندق اتش اند سالزبورغ انا نزلت فيه وكتبت عنه في تقريري ، وهو اجمالا فندق كويس ، وحولينه جميع الخدمات ، ومساحة الغرف كان مقبول تقريبا 22 او 24 متر مربع وانا نزلت في تقريري الصفحة رقم 5 صوره للغرفه ، الافطار كان ممتاز ، والفندق فيه 10 دقايق مشي الى المدينه القديمة ، يعني المسافه مقبوله برضوا ، وفيه مواقف عامة للسيارة قريب من الفندق وارخص من مواقف الفندق ، طبعا المخدات اللى على السرير سيئة وهذا راح تلاقيه في اكثر فنادق اوروبا ، وانا طلب مخدات اضافيه وجابو لي ، كمان الشي المزعج ان الاستقبال دايما زحمه لان موظفه وحده بس هي اللى موجودة لاستقبال الناس وعاده لازم تنظري 5 دقايق على الاقل لو تبغى شي ، لكن فيه ميزة في الفندق ان النت كان مجانا رغم ان في موقع بوكينق كانوا كاتبين انه بفلوس ، عموما انا جلست في سالزبورغ يومين وكان الفندق سعره مناسب تقريبا 125 يورو في الليله مع الافطار وحسيت انه هذا اللي يستحقة يعني راح تحسي ان الفندق شويه مستهلك لكن مناسب للي ما يبغى يدفع كثير في الفنادق وفتره جلوسه قصيره.
هذا اللى اقدر افيدك فيه عن الفندقين

أرشح تغيير الفندق الاول بلا تردد
اما الفندق الثاني مناسب و موقعه حلو

جزاكم الله خير والله يكتب اجركم