هلا عزيزي انت تامر امر بس شفتك فاتح موضوع جديد قلت يمكن تبيء راي غير الراي اللي اعطيتك جدولك منسق جدا وممتاز خصوصا ان معك كبار سن والديك الله يخليهم لك والمسافات متقاربه لاتزيد عن ساعتين ونصف بالنسبه للسياره سوف ابحث لك الان بس مثل ما خبرتك علشان تحصل سعر كويس يفضل تسلمها في ميونخ قالمسافه ليست بعيده ساعتين ونصف بالسياره وفكك من القطار من زيورخ 4 ساعات

السياره اللي حجزتها راح تسلمها وين وبأي تاريخ ؟؟

daayem1
ابشرك اني خيرت الوالد والوالدة بين المخطط اللي قلتلي عنه ومخطط ثاني واختارو مخططك قالو خلنا نتمشى ونستانس ههه وقلت لهم يدعون لك ،
بالنسبة للسيارة راح نسلمها اول مانوصل ميونيخ لانه ما نحتاجها هناك.
نسلمها في ميونيخ تاريخ 31 اغسطس او 1 سبتمبر في ميونيخ ، يفضّل مكتب جنب محطة القطار
ودنا بسياره اتماتيك وتكون وسيعه بحيث نرتاح فيها ، ولانه معانا 3 حقائب متوسطة ويفضَل تكون من فئة مرسيدس او بي ام دبليو او اودي وبسعر مناسب
ولك كل الشكر اخوي دايم ، يعطيك العافية

واهم شي السكن في انترلاكن لانه مسبب لي قلق ابي ابيض الوجه قدامهم :004:

بالنسيه للسياره ادخل على موقع اليورب كار http://www.europcar.com/
اول شيء حدد بلدك الكويت تحصله خيار فوق على اليمين
ثانيا حدد مدينة الاستلام اول ما تكتب 3 حروف يكملها لك ويحط لك خيارات اختر FRANKFURT AIRPORT TERMINAL 2 تأكد ان الخطوط اللي حجزت عليها توصلك الصاله الثانيه اذا هي توصلك الصاله الاولى اختر الصاله الاولى
بعدين حدد تاريخ الاستلام وساعه الاستلام (مهمه خلي ساعة الاستلام بعد وصول رحلتك بساعه او ساعتين علشان ما تتأخر بالجوازات واخراج الشنط ويمكن تروح علسك السياره لو تأخرت )
ثالثا مدينة التلسيم ميونخ وبيطلع لك خيارات اذا تبيها جمب محطة القطار اختر MUNICH RAILWAY STATION وحدد تاريخ التسليم وساعة التسليم (مهم اذا حطيت ساعه بعد ساعة استلامك يحسب يوم جديد واذا تأخرت ايضا في التسليم يحسب يوم جديد ) وبما انك ساكن قريب من المحطه خلي ساعة التسليم نفس ساعه الاستلام وتقدر في الليل تسلمها يعني قبل احتياطا يمكن تروح عليك نومه او شيء
بعد ما تعبي المعلومات اضغط بحث
تطلع لك السيارات وبما انك تبغى اوتماتيك اضغط عند خيار اوتو
تطلع لك السيارات الاوتماتيك شوف وش يناسبك وخذه
مهم
عند دخول موقع الشركه فيه خيار تحت صورة السياره CHOOSE MORE OPTIONS اذا ضغطتي عليه يعطكي 3 خيارات
Equipment------Covers----------Services
الاول من اليمين يضيف لك سياره ديزل اذا متوفره
الاوسط تغطية التامين واضف فقط التامين الشاملGoZen (خاص بمن عمره فوق26 سنه )

بالنسبه للسكن في منطقة بادن بادن هذي شقة ممتازه 4 نجوم وتقييمها عالي فوق 9 وعدد المقيمين كثير وهي تبعد عن مطار فرانكفورت ساعتين وربع يعني بأذن الله تطلع على الطريق السريع مباشره بعيدا عن زحمة فرانكفورت وهي في روست ملاصقه لليورب بارك وتبعد عن ستراسبورغ اقل من ساعه وعن بادن المدينه اقل من ساعه وعن فرايبورق نصف ساعه وسعرها جدا حلو https://www.booking.com/hotel/de/elzpark.en-us.html?aid=1300939
اذا كنت تبحث عن السكن في بادن البلده علمني

بالنسبه للسكن في انترلاكن متعب جدا واسعار خياليه وانتم بتجلسون 5 ليالي يبي لكم مكان وسيع علشان ما تحسون بالملل وبصراحه لم اجد الا غرف فنادق صغير وغاليه جدا

daayem1
يعطيك العافية ياخوي ماقصرت ، بالنسبة للسكن انا محتار بين بادن بادن وشوتقارت
شفت في بادن بادن الفنادق التالية وابغي رايك فيها
Acrona Living Batschari 8
Radisson Blu Badischer Hof Hotel
Leonardo Royal Hotel Baden-Baden
بالنسبة للشقة اللي اخترتها عجبتني بس اعتقد السكن في بادن احلى لان المدينة فيها شوارع مشاة وحدائق حلوه للتمشي بعد العوده من المدن المجآورة .. ما ادري عن روست اذا فيها نفس الشي ؟
عطني رايك اذا ممكن بالفنادق االلي فوق
بالنسبة لأنترلاكن مب شرط يكون في السنتر ادري انه غالي وما يستاهل يعني مب مشكله اذا في بيتنبيرغ او قرينالود انا شفت هالشقق الفندقية في بيتينبيرغ
Apartment Dorint Resort Blüemlisalp
ابغي رايك فيها ؟ لان التعليقات من الخليجيين في بوكينق انه ماحولك اي سوبرماركت والمكان موحش ؟ شرايك ؟
وقريت في المنتدى احد ردودك على الاعضاء تقول انه جرينالود قرية جميله وفيها حياة ، شفت فيها هالشقق الفندقية
Apartment Chalet Abendrot (Utoring)
عطني رايك فيها ؟
اهم شي السكن يكون نظيف ومعاه مواقف مجانية وفطور مجاني ..
وما ابي مثلا بيت او شقة عالجبل بروحنا ساكنين فيها لو صار فينا شي محد درا عننا
وجزاك الله خير يآخوي الحين بشوف ايجار السيارة