نشر في النمسا

عاجل بخصوص جهاز القارمن

يوتوبيا

12-02-2022 - 07:49 am

السلام عليكم ورحمة الله وبركاته
حبايبي في هالصرح الاكثر من رائع ابي رايكم
في قارمن موديل 1490بخرائط اوروبا لقيته في متجر
الكتروني بسعر 1050ريال صاحب المتجر يمدحه لكن حبيت استفسر منكم
قبل مااشتريه ،واذا فيه افضل منه بسعر جيد تكفون دلوني ودي اشتريه من الحين
وانزل الإحداثيات وأتعلم عليه زين .....انتظركم
أخوكم ابو سطام

التعليقات (8)

طائر الغربة

12-02-2022 - 11:26 am

وعليكم السلام ورحمة وبركاته
طيب جهاز نوفي 205 ب 499 من الوكيل
واتوقع عليه خرائط اوروبا
ولو مو عليه من الانترنت حمله عليه
http://www.garmin.com.sa/ar/index.php?option=com_virtuemart&page=shop.browse&category_id=6&keyword=&manufacturer_id=0&Itemid=11&orderby=product_cdate

يوتوبيا

12-02-2022 - 12:27 pm

هلا اخوي طائر الغربه يعني تنصحني بالجهاز 205
زين هل جربته وهل هو افضل من 1490t
زين كم بوصه وايش مواصفاته
تحملوني لكن احب أخذ رايكم لثقتي فيكم بعد الله

طائر الغربة

12-02-2022 - 01:28 pm

لا ما سبق جربته
بس سمعت الكثير يمدحوه لإداءه ورخص سعره مقارنة بغيره
والأهم أنه ممكن يحمل عليه خرائط اوروبا
وجهاز 1400t
ما اعرفه
بس ابحث بجوجل واكتب ( تجربتي في شراء جارمن نوفي 1490t (معاد التصنيع) من موقع أمازون )
وافتح اول رابط راح يفيدك
وانا خبرتي على قد حالي بجهازي نوفي 760 ومركب عليه بنفسي خرائط اوروبا
تحيتي لك

MR ABDULAZIZ

12-02-2022 - 02:29 pm

اخوي جهاز قارمن نوفي 205 عند واحد من الشباب ويمدحه مره
واخذته منه بحمل عليه خرائط اوروبا واخذه معي هناك ان شاء الله
جربته تجربه بسيطه جدا بس سهل مره وبرضوا خويي يقول سهل
بس اللي عنده علم عن طريقه تحميل خرائط اوروبا يقولنا الله يوفقه
سالت دار موجه يقولون ب 400 احس حرام مدري كني حسيتها استغلال

طائر الغربة

12-02-2022 - 03:30 pm

عبدالعزيز
معي نوفي 760
وانا مركب عليه خرائط اوروبا 2010
ركبتها بنفسي بعد تطبيق شروح تركيب الخرائط
الموضوع سهل بس يبغى لك تركز
بس مدري الحين ممكن نزلت خرائط 2011
تحياتي

MR ABDULAZIZ

12-02-2022 - 04:31 pm

طائر الغربة
ولاعليك امر اخوي ياليت تقولي الطريقه كيف تحملها
خايف احملها من النت يطلع لي فيروس يعدم الجهاز خصوصا انه موب لي
اذا فيه طريقه مضمونه ياليت تفيدنا
لاني دخلت علي الرابط اللي حطيته مافهمت
مالقيت تجميل خرائط كل اللي فيه اختيارات تحميل سوفتوير

يوتوبيا

12-02-2022 - 05:32 pm

ياجماعة الخير جهاز 1490يي بخرائط اوروبا من دون تحميل
تكفون اللي عنده معلومه او خبره على الاقل يشوف مواصفاته ويرد علينا

يوتوبيا

12-02-2022 - 06:33 pm

ياعالم ياهل القارمن زين عالاقل كل اللي راحوا
يقولون لنا تجاربهم

النمسا المسافرون العرب

عاجل بخصوص جهاز القارمن