أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
الله لايهينكم اللي عنده خبره يقول لي
السفر بعد يومين ومحتار اسحب فلوسي كاش
والا اخليها بالفيزا او ببطاقة الصراف
وايهما افضل الفيزا واسحب بشكل يومي او عن طريق الصراف
ضروري اللي عنده خبره لا يبخل علينا
عن نفسي, إيجار السيارة و قيمة الفنادق بالإضافة إلى الظرائب + مبلغ صغير للإحتياط خليتهم بالكردت كارد. و بالقي الميزانية صرفتها كاش و وزعتها بيني و بين المدام و شي كان بالشنطة و تقريباً اول او ثاني يوم, حسيت ان الوضع امان كثير, لملمت المبلغ في المحفظة.
لكن, الكثير من الاعضاء ينصحون بصرف ما يوازي 100-500 فرنك كاش و فكها إلى فئات قليلة و الباقي في الكردت كارد.
يعني احول فلوسي على الفيزا
بعد سحب مبلغ صغير
مع العلم اني دافع كل شي ماباقي غير تأمين السيارة فقط
طيب هل السحب سهل من مكائن الصراف هناك يعني متوفره مكائن الصراف
في اوروبا لا تحمل كاش الا للضرورة
النشل و السرقة في الفنادق والاماكن العامة منتشرة خاصة في الصيف والمدن الرئيسية واخص بالذكر جنيف
الكريدت كارد مطلب اساسي ماراح تستلم السيارة بدونها ولازم تكون باسمك وحتى لو دافع قيمة الايجار مسبقا
خلي معك بحدود 500 فرنك و 500 يورو كاش موزعة بينك وبين المدام
حاول تعتمد على بطاقة الكريدت وحاول انك تكون مشترك بخدمة التنبيه برسائل الجوال
حاول تنتبه للحد الائتماني وتعمل حساب المبالغ المحجوزة للسيارة والفندق
كل ما حسيت ان مستوى الكاش انخفض اسحب من الصراف
انتبه لعملة السحب واحرص ان تسحب فرنك من سويسرا و يورو من خارجها
اذا اضطريت استخدام الكاش فحاول أن تستخدم فرنك في سويسرا ويورو خارجها
افصل بطاقات الكريدت عن الكاش في حالة الضياع والسرقة لا سمح الله فما تروح كلها
انتبه وقت الحساب بالبطاقة عن اي نقطة بيع فإن معظم الات نقاط البيع تضع بنفسك البطاقة وتنتظر يجيك في الشاشة المبلغ ، تاكد انه المبلغ الصحيح لمشترواتك واضغط اخضر او اوكي
اهم شيء لاتنسى بطاقتك لانه ساعات الموظفة ماتسحبها لمطابقة التوقيع وبالتالي تنساها في الاله
مجنون سياحه
هلا بك
راح تواجه مشاكل كبيرة في في مكتب ايجار السيارات
للأسف أكثر من مرة كتبت في هذا الموضوع ونبهت عنها
واتفاجأ بايميلات من موقعي من سواح واقعين في هذي لمشكلة
جتني الاسبوع الماضي رسالة من اخ في مطار باريس رافضين يسلمون له السيارة والسبب انه معه بطاقة الراجحي للشراء مسبقة الدفع
ومن مطار جنيف رفضوا يسلمون السيارة بسبب ان بطاقة الكريدت كارد بإسم زوجته مع انه دافع مبلغ السيارة في جدة
طبعا نقاط البيع في المتاجر والاسواق تقبل بطاقات الراجحي لكن انا اتكلم عن مكاتب التأجير وممكن نفس الشيء ينطبق على الفنادق او اي جهة تطلب حجز مبلغ
خاصية حجز مبلغ على مثل هذ لبطاقات غير متوفر
الله يعين يابو عزيز
في هذه الحالة وش الحل
هل يعطوني الفلوس اللي دفعتها في مكتبهم بجده ولا ايش
حولت مبلغ 2511 ريال الى يورو وعطوني 460 يورو وش رايك بالصرف
بختصرها لك
الفيزا حقت الراجحي المسبقه الدفع ماتقدر تستاجر منها سياره لان ارقامها مو محفوره او بارزه
فيه مسبقه دفع في بنك الاهلي وانا مجربها استاجرت فيها سياره لان ارقامها بارزه بس وش مشكلتها
اذا انت شريت باليورو يحولونها لدولار بعدين ريال وبيكون سعر الصرف مرتفع
اما الراجحي فنفس قيمه العمله زائد عموله للبنك وارخص من الاهلي
من ناحيتي انا عندي كل الثنتين ماستر كارد الاهلي مخليها للسياره وعن سمح الله
اما فيزه الراجحي مخليها للمشتريات عشان العموله ارخص
اتمنى اني افدتك
لكن, الكثير من الاعضاء ينصحون بصرف ما يوازي 100-500 فرنك كاش و فكها إلى فئات قليلة و الباقي في الكردت كارد.