هلا اختي ..
بالنسبة لطيران الإتحاد حسب ما قرأت في الجريدة انها وقفت رحلاتها الى سيلان وعملت اتفاقية مع الطيران السريلانكي لنقل مسافريها من والى هناك.
عموما عطيني من وين بتسافرين والوقت وانا بتصل عليهم وبخبرج كم سعر التذكرة ..
بالنسبة للأطفال بتكون النسبة على الآتي :

• من يوم الى 2 سنة = 20%
• من 2 سنة الى 12 سنة = 75%
• من 12 سنة واكثر = 100% من قيمة التذكرة للكبير ..

الغاليه اتمنى تكتبنا تجربتج بعد ما ترجعين ............
والله يردكم بالسلامه

طيب وش احسن طيران الا سيلان 000
السفر من الرياض

ام الزهور
اختي ام الزهور
وش التهور هذا من ماليزيا الى سيرلانكا سبحان الله هل يعقل ان فيه انسان يستبدل الاحسن بالاسوء
عموما انا مارحت لها بصراحة ونصيحة اطلعي على كل ما يكتب عنها الايجابي او السلبي لانه انا كنت ابروح
مع العائلة وافراد اسرتي 4 بالغين و3 اطفال واتصلت على المكاتب السياحية هناك (مظفر-عبدالعزيز-زهران) و
تخيلي ارخص سعر كان لمدة 17 ليلة على اساس غرفتين بوجبة الافطار مع السيارة 4800 دولار يعني
4800*3.75=18000 ريال وكل اللي موجود في المنتدى ويمدح في الاسعار ورخصها وشاورتهم يقولون ان
السعر لن يتعدى 2400 دولار لسبعة افراد بغرفتين مع السيارة ووجبتين افطار وعشاء.
فتخيل 18000 ريال لمدة 17 يوم يعني اليوم يصير بأكثر من الف ريال بينما في ماليزيا ممكن تسكن فيthe Zon
غرفتين وصالة ودورتين مياه ومطبخ سعرها 400 ريال في الليلة يعني 400 * 17 = 6800 مع التنقلات 100
ريال في اليوم الاجمالي 8500 واذا جمعنا معها المواصلات من والى المطار 500 يعني التكلفة الاجمالية 9000 ريال في بلد جميل ونظيف وطرق معبدة وكل ما تتمناه تجده
واذا كنتي تبين تتأكدين اطلعي على مشاركتي وسوف تجدين المخاطبة بيني وبين احد المؤيدين لسيرلانكا
ويشير الى رخص تكلفة السكن

مافهمت مقصدك ---وش التهور؟
على العموم--انا ابي اشوف كم تكلفني؟

خلك على السعودية تراها ماتفرق كثير ،، اريح دايركت

على فكرة ...
السعودية اغلب الوقت تسوي اب قريد للركاب السعوديين ..
يعني لو كنتوا على السياحية يطلعونكم على الافق او الاولى بس مو اكيد..
انا توني راجعة من اسبوعين من سيلان .. وكانت مرة حلوة .. باستثناء الروائح العطرية والحل كان بتجنب الاماكن الشعبية اللي تكثر فيها ..
برأيي هذي السلبية الوحيدة ..
كلفتنا 1800 دولار لمدة 16 يوم لشخصين ورضيع مع السيارة والسائق ..
التذاكر كانت على الخطوط السيريلانكية وهي ممتازة لان نصف اسمهما تقريبا تابعة لطيران الامارات ..
درجة رجال الاعمال ب 2500 ريال للشخص .. والرضيع ب 291 ريال ..
الان بعد ما تهاوشوا الاماراتية مع السيريلانكية ما ادري كيف بيكون وضعهم هل بيستمرون على الخدمة الزينة او بيتغيرون للاسوأ .. وانتي اسألي فالمنتدى هنا اذا احد جربها بعد الزعل
على فكرة ..
رحت لسيريلانكا بعد خمس شهور من رجعتي من بريطانيا واشوف ان سيريلانكا احسن واوسع صدر من بريطانيا ..
يعني لا تشيلين هم السلبيات .. ولا تخلينها تخرب عليكم رحلتكم ..
وحطي في بالك ان ماليزيا شي وسيلان شي ثاني ..
فرق كبير بينهم ..
سيلان مافيها اسواق كثير ماعدا في كولمبو واسواقها حلوة واسعارهم حلوة .. وفيه الغالي طبعاً ...
النظافة والاكل ايضاً فرق ..
قي سيلان ما تلقين مطاعم الفاست فود الا في العاصمة وكاندي فيها بيتزا هت وكنتاكي بس ..
ونورايليا مافيها شي يسوى .. افضل لك انك تشيلينها من المخطط .. يعني اطلعي لبنتوة من كاندي وفالطريق مروا مصنع الشاي وتفرجوا وخلاص ..
انتظر ردك في موضوعك الثاني علشان اضبط لك برنامج ..