SmaraH
04-12-2022 - 02:13 pm
السلام عليكم ورحمة الله وبركاته
عندي مجموعة استفسارات وياريت تردون علي .. أنا أساسا اشتركت في المنتدى لأني عجزت وأبي احد يرد على استفساراتي .. وما لقيت أفضل من مكتوب العرب المسافرون
1) بعد التمحيص والتخطيط قررت أنا مع صديقتي نسافر على نيوزلندا بأذن الله في شهر يونيو .. ومن المعروف أنه الطقس يكون بارد في هذا الشهر
ولكن لأي حد البرودة عندهم ؟ هل يطيح ثلج وعواصف وريااح وما ادري شنو ؟ >> لأني ما أتحمل أروح منطقة باردة جدا !!
واشلون تكون الطبيعة والخضار عندهم في هالفترة ؟ لأني أحب اشوف الزرع والطبيعة والمسطحات الخضرا .. وما احب الثلج !!
2) وما هو الطيران اللي يكون رخيص وقوي ؟؟ :S .. يعني افتريت عى كذا شركة طيران .. لقيت التذاكر كله على سبع مئة دينار وشي !!
يعني التذكرة الوحدة لشخص واحد تساوي تذكرتين لشخصين لبيرطانيا !!! يعني لو اروح بيرطانيا افضل لي .. بس ما ودي ببيرطانيا !!
3) مقررة أنا مع صديقتي ناخذ ثنتينا شقة أو حتى استديو .. بنقعد إن شاء الله أزيد من شهر فتكلفة الفندق تصير مرتفعة علينا
بس نبغي بعد سكن رخيص وقوي .. عجزت أدور على شقق بس حسيت في صعوبة !! اشلون اقدر احصل على شقة بسعر مناسب جدا ؟!
4) الحمدالله لغتي الأنجليزية ممتازة .. بس المشكلة إذا أتكلم انجلش لازم أبدي بالأه آه آه >> ما ادري إذا فهمتون شقصدي أو لا
يعني اقصد على الرغم من أنه لغتي الانجليزية ممتازة إلا أني ما أتكلم بطلاقة والأكسنت البحرينية لازم تطفر في نص كلامي !!
فيعني اللي احتاجه كورس في communication in English .. يكون كورس بس محادثة نفتح مواضيع ونتكلم فيها بالأنجلش
دورت على أكثر معهد وما لقيت عندهم طلبي .. اللي حصلته في كل المعاهد يكون الأنجلش بكل مجاميعوه قواعد وقراءة وما اعرف شو وكل هذا أنا ما احتاجه !!
وحتى البارت تايم عندهم اربع ساعات .. أنا احتاج بس ساعتين !! من يقدر يساعدني ويشوف لي معهد فيه طلبي ؟؟
هو أنا في حالة إني ما حصلت معهد فيه طلبي .. راح اروح معهد عندنا في البحرين فيه طلبي بالضبط مع مدرسين أمريكان
بس المشكلة إذا خلصت إجازتي ورجعت من السفرة إن شاء الله بالسلامة .. برجع لدوامي اللي يخلص للساعة خمس العصر فما اقدر التزم في دوام معهد
وبيكون وايد تعب .. فأنا اقول اتعلم في الاجازة احسن ساعتين دراسة و 22 ساعة سياحة ونوم
أنا أدري أنه اخواني في المنتدى وخصوصا أسامة ما راح يقصرون عليي في الرد على استفساراتي
فأقول شكرا للجميع مقدما .. وأنا على أحر من الجمر في انتظاري لأجوبتكم
عندي مجموعة استفسارات وياريت تردون علي .. أنا أساسا اشتركت في المنتدى لأني عجزت وأبي احد يرد على استفساراتي .. وما لقيت أفضل من مكتوب العرب المسافرون مشكورة على هيك اشادة.
1) بعد التمحيص والتخطيط قررت أنا مع صديقتي نسافر على نيوزلندا بأذن الله في شهر يونيو .. ومن المعروف أنه الطقس يكون بارد في هذا الشهر
ولكن لأي حد البرودة عندهم ؟ هل يطيح ثلج وعواصف وريااح وما ادري شنو ؟ >> لأني ما أتحمل أروح منطقة باردة جدا !!
واشلون تكون الطبيعة والخضار عندهم في هالفترة ؟ لأني أحب اشوف الزرع والطبيعة والمسطحات الخضرا .. وما احب الثلج !!
الطبيعة بكر في نيوزلندا طبيعه خلابة وفي اعتقادي الثلج للجزيرة الجنوبية فقط بس مو على طول.
بالنسبة للجزيرة الجنوبية البرودة مشتدة عن الجزيرة الشمالية يعني كل ما اتجهتي جنوبا كان البرد اشد. الشمال من نيوزلندا برده طيب لكن لابد من الجاكيت والملابس الشتوية.
2) وما هو الطيران اللي يكون رخيص وقوي ؟؟ :S .. يعني افتريت عى كذا شركة طيران .. لقيت التذاكر كله على سبع مئة دينار وشي !!
اغلب اللي يسافرون يروحون على السنقافورية والكاثي باسفيك والماليزية وبروناي