looove paris
28-08-2022 - 03:49 pm
السلام عليكم
قررت اسافر لباريس وسويسرا لمدة 20 يوم وبميزانيه تقارب 25 الف ريال لشخصين طبعا في شهر يونيو الجاي ادرري بدري بس اول مره اسافر اناوزوجي وودي استعد لسفره من الان عشان تكون حلوه وزادتها متخوفه لان اللغه ضعيفه ولا اعرف شي
ثانيا ابغى جدول وعدد الايام لكل مدينه وتنصحوني بالفنادق لكل مدينه والاماكن السياحيه وكم اجلس في باريس وكم في سويسرا
ونصايحكم وطريقه مسيرتي كيف انا قررت احجز على الخطوط السعوديه
وحده خايفه ولا تركت استفسار الا واستفسرت
هلا والله أختي..
انصحك اولا بقراءة الدليل السياحي السويسري المثبت في البوابة ...لأخذ فكرة عن جميع المدن السويسرية السياحية اللي ودكم تزوروها بالاضافة الى الانشطة.
ثانيا قراءة المواضيع والتقارير الخاصة بالاعضاء ...لأن عندكم لسه وقت طويل للسفر.
ثالثا ..هل راح تستأجرون سيارة ..ولا تنقلات بالقطارات والباصات ؟
اقصد في سويسرا ...والا باريس ما تحتاجون سيارة .
رابعا ..الميزانية تعتمد اعتماد كلي على سعر اليورو في ذيك الفترة ..اذا وصل سعر الصرف فوق 5 ريال والفرنك فوق 4 ريال ..راح تطلع اكثر من الميزانية اللي انتم محددينها.
=============
نصائح :
الشقق والاكواخ ارخص من الفنادق ..وحجزها بالاسبوع.
الطيران يفضل الوصول على جنيف والمغادرة من باريس.
استئجار السيارة من مطار جنيف القسم الفرنسي أرخص من القسم السويسري.
===============
مخطط مبدئي لمساعدتكم :
الوصول الى جنيف وقضاء خمسة ايام في ديفون الفرنسية او تواريه الفرنسية.
انترلكن أسبوع (لابد يكون اسبوع الحجز يبدأ من يوم سبت او احد)
اليوروب بارك مدينة الالعاب يومين
ستراسبورغ الفرنسية ثلاثة ايام >> تسليم السيارة هنا.
وبالقطار الى باريس ثلاثة ايام
وبالتوفيق
===============
هذه الروابط جدا مهمة ولابد من قراءتها:
https://artravelers.com/p/re/585146