وإذا أمكن ( فضلاً لا أمراً ) أحصل من حضراتكم إحداثيات موقع الوكالة بالgps
كل معاني الشكر والتقدير والاحترام لكم كلكم

هلا بالغالي وحياك بين اهلك وجماعتك
وكالة تويوتا الله يسلمك وانت جاي من الجسر ومتجه للدمام بعد اسواق الراشد تشوف ياطويل العمر الظهران مول خلها على يمينك وايكيا على يسارك وانت متجه شرق بعد الاشارة على طول تحصلها على اليمين ..
في الدمام في شارع الملك سعود
معذرة على التوصيف ترا ما اعرف اسماء الشورع بالضبط وحياك

مرحبا جارنا العزيز مشرف البحرين.....مقابل مول الظهران( جيان )هو الاقرب لك

جزاكم الله خير ما قصرتوا يا جيرانا يا حبابينا .. إن شاء الله يوم السبت بكون عندكم قبل صلاة العصر ..
وكالة الخبر قريبة جداً إن شاء الله أحصل فيها المطلوب ألف شكر لكم أخواني والله إني دعيت لكم من قلب

يامرحبا فيك اخي الكريم
تويوتا او لكزس في الخبر : وانت طالع من الجسر اول لفه بتجيك على اليمين اعتقد مكتوب على اللوحة الدمام والخبر بتلف منها بتمشي مسافة طويلة مايقارب 6 كيلو بيكون الراشد مول مقابلك بالشارع الثاني وقدامك طريقين يايمين او يسار للنفق بتروح مع يسار مع النفق بيكون الحين محطة بنزين (التسهيلات) على يمينك بعدها بتجي لفه يمين بتلف منها وخليك ماشي يمين بتشوف الظهران مول على يسارك امشي 400 متر بتشوفها على يمينك (اطلع فوق الكبري) 0
اما بالنسبة للدمام : فلوصف الدقيق بيكون صعب شوي ولاكن اسال عن شارع الملك سعود
وبالتوفيق ان شاء الله ومبروك مقدماً 0

حياك الله مشرفنا في شرقية الخير
ماشاء الله الاخوان الله يعطيهم العافية ماقصروا
تقبل تحياتي