نشر في الكويت

طلب ممكن

ولد الدمام2009

09-08-2022 - 10:23 pm

السلام عليكم
اخواني اناوالعائله ان شاءلله بسافر للكويت اخر شهر7 ودي تعطوني جدول لمدة3ايام:8888:
اسواق+ملاهي+....الخ
وابي اسماء فنادق 5ستار ويكون السعر مقبول
وشكرا

التعليقات (9)

المرام

10-08-2022 - 01:05 am

اخوي شوف المواضيع المثبته بالبوابه راح تفيدك
و حياكم الله بديرتكم

أرقى رقة

10-08-2022 - 02:06 am

حياكم الله و توصلون بالسلامة ..
أسواق ممكن تقضي فيها يوم كامل : الأفنيوز - مرينا مول - سوق شرق .
كلهم فيهم محلات , مطاعم , العاب و سينمات ..
اقتراحي :
اليوم الأول :

المركز العلمي ( تدخلون السينما عجيبة - الاكواريم و قاعة الاستكشافات )

مقابل المركز العلمي هناك فندق الهوليدي ان .. فيه مطعم لبناني اسمه ( ايام زمان ) ممكن تتغدون فيه ..
او تروحون ( مرينا مول ) لتكملة بقية النهار .. بالتسوق و المقاهي ..
اليوم الثاني :
ممكن تروحون سوق المباركية .. سوق شعبي تراثي جميل .. و بنفس المنطقة تم افتتاح مجمع ديسكفري ..
فيه ألعاب للصغار و محلات .. و ايضا بنفس المنطقة صالة التزلج .. و اخيرا مجمع الأوقاف متخصص بالدراريع ( الجلابيات )
اليوم الثالث :
ممكن تروحون الأفنيوز و انصح ما يكون بيوم عطلة !! عشان ما تضايقكم الزحمة الشديدة مثل ما تضايقني !
في خيار اخر .. مجمع الكوت .. و بجانبه ( مسافة مشي ) مجمع المنشر ..
يتميز الكوت بجلسة جميلة جدا على النافورة تتقاسمها العديد من المطاعم و المقاهي .. داخل المجمع هناك مطعم لبناني ( الميجانا ) لذيذ ..
و جهة النافورة هناك محل ايس كريم عجيب .. اما بقية المحلات داخل السوق فا موجودة بكل اسواق الكويت تقريبا ..
المنشر يحتوي على محل فيلا مودا .. ماركات عالمية .. و ايضا فندق روتانا المنشر .. و ألعاب اطفال .. و مطاعم طبعا
و بالمنطقة نفسها .. سوق شعبي قريب لسوق المباركية على ما اظن ..
بقية المجمعات : الصالحية - الراية - الثريا( ماركات عالمية و بوتيكات متميزة جدا )
الفنار - زهرة - البستان - ليلى جاليري
للتسوق الإضافي .. هناك العديد من المعارض الكويتية .. اهمها بيت ديفا و كريزما تجدهم بجانب المستشفى الأميري مقابل سوق شرق .. و أيضا سوق العربيد بالفروانية متخصص بالدراريع .. و أسعاره ممتازة ..
و حياكم الله مرة ثانية تنورون الديرة حاضرين لأي استفسار ...

ولد الدمام2009

10-08-2022 - 03:07 am

مشكورين والكويت منوره بسكانها

الجوري ايموا

10-08-2022 - 04:08 am

وانا بعد رايحه اخر شهر 7 ههه
وراح اكتب جدول لانو كل شي هن واضح ماشاء الله الاخوان الله يعطيهم العافيه ماقصرو مره

ولد الدمام2009

10-08-2022 - 05:09 am

طيب ابي جدول ثاني >>>طماع
ادري تعبتكم وياي
وثانكس

كويتية زوغة

10-08-2022 - 06:10 am

ماقصرت ارقى رقه ذكرت اهم الاماكن في الكويت
بس ماذكرتي منطقه حولي فيها مجمع الهلب ومجمع النقره الجنوبي والشمالي دايم اشوف فيها سعودين يتشرون خياط الكويت واسعاره مناسبه للجميع بس حجم المجمعات مش كبير

ترف العذارى

10-08-2022 - 07:11 am

وفيكم تروحون للابراج اكيد
وطبعا اذا تبون قعده عائليه شعبيه . عندك قريه يوم البحار على شارع الخليج مقابل مجلس الامه
قعده شعبيه ومقابل البحر
حياكم الله حبايبي
تنورون ديرتكم

travel-aholic

10-08-2022 - 08:12 am

شوف ردي بالموضوع هذا
https://artravelers.com/p/re/289203
زياده ملاهي عندك
المدينه الترفيهيه بمنطقه الدوحه
حديقه الشعب منطقه الشعب
مرح لاند بالصباحيه
حولي بارك بحولي

*ام البدر*

10-08-2022 - 09:13 am

حياك الله بالكويت
بالنسبه للفنادق اذا تحبون الناس والزحمه ممكن تحجزون بالمارينا
واذا تحبون الهدوء عندكم الهلتون او المنشر روتانا
والمولات بالكويت وايد احدثها الافنيوز كبير ومتنوع ومازال التوسعه كل فتره يزيد محلات ومطاعم
والمارينا مول -الكوت بالفحاحيل -سوق شرق -اسواق السالميه ((سيتى سنتر ))مزحوم نوعا ما
وفى الرخيص والوسط
كويت ماجيك اسواق متنوعه رخيصه نوعا ماممكن خواتك يتشرون منه وفى فوق اللعاب للاطفال
ومطاعم متنوعه وفى قعده عالبحر تقدم ماكولات غاليه نوعا ما بالنسبه لنوعيه الطعام المقدم
بس القعده مميزه اذا الجو حلو ,,وفى اسواق المباركيه المميزه تروح لها بالمساء تتسوق
وفيه مطاعم كثيره ,,,
والالعاب حديقه الشعب و المدينه الترفيهه( وماجيك بلاتنيوم بالافنيوز اذا عندكم اطفال)
وحياكم الله اى استفسار حاضرين ,,

الكويت المسافرون العرب

طلب ممكن