حياكم الله بين اخوانكم وخواتكم تفيدون وتستفيدون بالنسبه الاطفال عن تجربتي الشخصيه طبعا على حسب نظام الفندق
انا بلندن اخذت بنتي عمره 4 سنوات عادي نظام الفندق تحت 12 سنه ماعليهم مبالغ

أبوعبدالله
مشكور يا ابو عبد الله على الرد
بس ابي توضيح اكثر لا هنت واتحملني
في موقع booking ابي احجز غرفة واحدة أو جناح = اذكر 2 بالغين و1 اطفال ؟
مع العلم أنه معي 3 اطفال راح يكونوا معي هل احجز غرفتين أو واحدة ؟
ملاحظة / في حالة الحجز بثلاث اطفال يعطيني مقترحات شقق مو فنادق !
وش العمل ؟؟

اذا لندن خذي شقق افضل من الفندق غرفهم ضغنونه شوي

abuomar11
أنا عن نفسي ماحجزت حق بنتي حجزت غرفه لشخصين فقط انا وزوجتي فقط وبنتي تنام معانه بالسرير

مرحبا اخوي واتمنالكم سفره سعيده ان شاءالله
نصيحتي لك اذكري عددكم كامل لاني مره قريت موضوع في بوابة سويسرا ان الاجانب جدا متضايقين من هالصفه في العرب انهم مايذكرون عددهم بالضبط في حال وجود اطفال وقبل لايدخلونهم الغرفه يقعدون يعدونهم لان ماعاد يصدقون اللي يحجزون وهذا عيب ومب حلو في حقنا كامسلمين
احسن لك ياانك تاخذ غرفتين مفتوحين على بعض او سويت لك ولعيالك ولازم تذكر عددكم الصحيح افضل علشان ماتتعرض للاحراج والقرار لكم

حياكم الله
كل فندق له نظام. وممكن تاخذون شقق فندقية
واي خدمة