هذا المطهم زرته قبل 3 سنوت تقريبا كان بوفية مفتوح السعر150 اكيد الان زاد
بدون طبعا المشروبات...كان الغالب على البوفية اللحوم
الحقيقة لا يستحق سعرة كان الاكل اقل من متوسط ولكن للي ماقدر زارة يعتبر نوع من التجديد والتغير
تحياتي

زرته قبل 3 سنوات .. سعر الشخص 200 ريال شامل الضريبه يقع على مطل زي بلكونه بالدور الاول .. بدون مشروب
كل اكلهم لحوم وجميع انواع اللحوم بس الغريب طريقة تقديمهم انا انصحك تزوره بقوه لانه تجربه حلووه وجديده
انا رحت له بالبرد واعطاني الجرسون فروه لبستها وشغلو دفايه عند طالولاتنا روعه شعلة نار والاضاءه خافته ,
عندهم بوفيه بس سلطات وشوربه وسويت .. نصيحه لاتكثر سلطات
في كل طاوله قطعه دائريه من وجهين .. لون اخضر ولون احمر يوم خلصنا قلبنا القطعه على الوجه الاخضر
ومن شافها الجرسون الا يجي طيران ومعه رجل حاشي مشوي ويقص لك قطعه معه سله فيها انواع الصوصات يميم
ويقلب القطعه لجهة الاحمر ويروح وتاخذ راحتك واذا خلصت قلبتها على الاخضر ويجيك طيران هالبرازيلي
ويقدم لك يد خروف ثم بقر ثم سمان . طيور .. غزال .. دجاج ... الخ الله انواع نسيتها
. والله شبعنا واحنا ماكملنا الباقي

السلام عليكم؛؛؛
الصراحه ماقصرتو الله يعطيكم العافيه
فعلا معلومات وافيه وكافيه