coktile
12-12-2022 - 09:21 am
السلام عليكم ورحمه الله وبركاته ،
اول شيء لاخلى ولاعدم لكل الموجودين واللي الله يخليهم ذخر على كل مايقدمونه لخدمه الجميع .
انا رجالن بروح الفلبين بعد العيد مباشره وعندي كم استفسار بخصوص الفلبين لاهنتو :
1. الفلوس خل اخذها كاش كلها وإلا بس اخذ اللي يكفيني اول ثلاث ايام والباقي استخدم بطاقه الصراف العاديه مع العلم إني باخذ معي فيزا ، وبخصوص الصرافه السعوديه تعرفون حركات بنوكنا ماودي احط الفلوس بالرصيد وإذا جيت اسحب من هناك من صراف يصير الامر معلق وتتعلق مع الفلوس بعدين ابدأ اشوف لي مسجد زبائنه كاشات واروح اشحد عنده
2. بخصوص فلوسهم هل هي كثيره يعني مثلا سعر الصرف تقريباً اثنعش ريال بيسو ، يعني لو بصرف الف ريال نفرض إن المقابل اثنعش الف بيسو ، هل عملتهم فيا اوراق نقديه كبيره مثل 500 او 1000 وإلا كلها صغيره ؟؟ ولو كانت كبيره مثل 500 او 1000 هل سهل التعامل بها وإلا كل واحد بيقولي رح دور صرف ؟؟
3. لو سويت الطريقه اللي قالو عنها الشباب في المنتدى وهي إني افتح حساب بالفلبين عن طريق بنك العربي الظاهر ، على بطاقتهم تسخدم في كل مكان اقصد من ناحيه السحب او العمليات الشرائيه ؟؟ وهل يكون لها رقم سري وإلا بدون نفس نظام الفيزا ؟؟
4. قريت التحذير حق السفارة السعوديه او لحظه قبل التحذير هل لازم إني اسجل جوازي وإلا مهوب لازم ؟؟ وبخصوص التحذير هذا نص من التحذير مأخوذ على قولتهم بحذافيره " الحذر من السكن أو الذهاب إلى بعض المناطق المشبوهة والخطرة مثل (توندو - ديفسوريا - باساي - كيابو) وكذلك الملاهي الليلية في ملاتي وخصوصاً أمباسدور. "
ممكن احد يبين لنا وشي هالاسماء يعني هل هي اسماء احياء وإلا مدن وإلا وش السالفه ؟؟ ووشي ملاتي وشو أمباسدور ؟؟
اتمنى إني ماكون ثقلت عليكم بالاسئله بس تعرفون الواحد لاطقت تسبده من الدول العربيه اللي صارت تحوم التسبد وقرر للورده على قولتكم :$
مشكورين مقدماً ، وعلى فكره على قوله الشاعر يوم قال مبارك عليكم الشهر لو إنها متأخره شوي
ومبارك عليك الشهر وكل عام وانت بخير