السلام عليكم ورحمة الله وبركاته
الحمدلله واخيرا سجلت معاكم
اتمنى احصل الصحبة والاخوة الطيبة عندكم
انا بإذن الله ناوي اروح شهر عسل بتاريخ 10-7-2010 ولمدة 17 او 18 يوم
وما ادري وين اروح ؟؟؟؟؟؟؟
بعض الاخوان قالوا لي روح اوروبا والبعض الاخر قولولي روح ماليزيا
وطبعا اوروبا حلوة وجوها حلو وغالية ,,, وما بتكون رومانسية نفس لنكاوي وجزيرة بالي
وانا في خاطري اروح ماليزيا ( كوالالمبور +لنكاوي ) ((( وجزيرة بالي الاندونيسية )))
والخطة اللي حاطنها في راسي (( دبي - كوالالمبور __ كوالالمبور - دبي ))
يعني من 10 لحد 12 يوليو في كوالالمبور في صن واي لاغون
وتاريخ 12 من كوالالمبور الى لنكاوي ( من 12 ال 16 يوليو )
وتاريخ 16 من لنكاوي الى كوالالمبور ,, ومن كوالالمبور الى جزيرة بالي
وجزيرة بالي بكون فيها من 16 الى 21 يوليو
تاريخ 21 بطلع من بالي الى كوالالمبور
وبعدين ما ادري وين اروح ؟؟؟؟ هل اقعد في كوالالمبور او اروح كاميرون او جنتنغ ؟؟
طبعا اخر ليلتين او ثلاث ليالي اريدهن في كوالالمبور
هذا اللي كنت راسمنه في مخي
وارجو من الاخوة طرح المقترحات او اعطائي جدول حسب الوقت اللي عندي من أ الى ي
طبعا الطيران بيكون على طيران الامارات
والطيران الداخلي , عادي عندي اي طيران واعتقد air asia رخييص ,,, من كوالالمبور الى لنكاوي ب 160 درهم تقريبا روحة ورجعه ,,,, ومن كوالالمبور الى بالي ب 360 درهم تقريبا روحة ورجعه
ارجو اقتراح السكن في جزيرة بالي ( وتكون فلة وفيها مسبح خاص )
الميزانية 35 الف درهم ( طبعا التذاكر باخذهن بخصم وبيطلعن على ب 2600 درهم للشخص , يعني شخصين 5200 درهم )
الباقي 30 الف درهم ( موزعات على السكن والاكل والمواصلات ) وما اعتقد السكن بيكلف 30 الف
سؤال اخير؟؟؟ صن واي لاغون فيها فلل خاصة لشهر العسل ؟؟؟؟؟؟؟؟
ومشكورين مقدما
بنزل الموضوع في قسم ماليزيا وقسم اندونيسيا عشان ااخذ من خبرة الشباب