السلام عليكم ورحمة الله وبركاته اخواني وخواتي في المنتدى والصرح العظيم بيتنا الثاني العرب المسافرون
تحية طيبة وبعد
انا اخوكم من السعودية وهذي اول مشاركة لي في منتداكم واعرف ان كلامي هذا ماهو جديد بس والله انحاس عقلي واوجعني قلبي من كثر مالفيت ودورت واحترت وتكفون تكفون تكفون ابي فزعتكم
رحلتي يوم الاربعاء تاريخ 22-06-2011 ورجعتي يوم 2-7-2011 انا وزوجتي وست اطفال ومحتار في توزيع الايام بالطريقة الصحيحة وابي مساعدتكم ومحتار في حجز الشقق او الفنادق الصحيحة وميزانية اخوكم لكم عليها ؟ ولاكن العايلة الكريمة اجبرتني على هالسفرية وارجو منكم مساعدتي وعندي بعض الاسئلة
مدة المكوث راح تكون عشر ايام لان يومين ضايعة مني في السفر وابي اروح اسطنبول ويلوا وبورصة ابانات ساعدوني على توزيع الايام تكفون وابي شقق او فنادق حلوة واسعارها مقبولة وسمعت ان ابانات مناظرها حلوة اذا صحيح ابي اجلس فيها ثلاث ايام وجزاكم الله عني وعن كل مسلم خير الجزاء