نشر في بريطانيا

طلب عاجل لو سمحتوا

حبيبة زوجها

15-05-2022 - 03:20 pm

اخواني حبيت اسالك عن فندق يكون كويس وسعرة كويس غير سيثل ماربل ارتش وغير هيلتون ميتروبوليتان وغير الكمبر لاند .... لانهم كلهم فل ولا ودي اخاطر واحجز غيرهم على عماي ودي بشي حليو واهم شي قريب من الاجوال رود اللي هو شارع العرب

التعليقات (9)

القطري

15-05-2022 - 06:29 pm

أم
عندج فندق السليفرج ..
بينه وبين ثستل ماأربل أرتش 3متر بس ..

حبيبة زوجها

15-05-2022 - 07:30 pm

مشكور اخوي القطري
بس من جوا وشلون ؟؟؟؟

القطري

15-05-2022 - 08:31 pm

حبيبة زوجها
لاشكر على واجب واحنا تحت أمرج ..
الصراحه مادخلته من داخل ..لكن أذكر الصيف الي فات لما كنت بثستل ماربل أرتش كنت اشوفه على يمين الفندق ..
بحاول أدخل على عنوان الفندق الألكتروني يمكن حاطين صور هناك ..
إذا حصلت صور راح اقولج ان شاءالله ..

حبيبة زوجها

15-05-2022 - 09:32 pm

السيلفرج فل
الضاهر العالم كلهم بلندن

القطري

15-05-2022 - 10:33 pm

..
ولاأتزعلين عمرج ..
فيه فندقين على أجول رود ..واحد أسمه الماريوت ..
والثاني اسمه هيلتون متروبولي ..
حاولي معاهم وانا بحاول من عندي ..
عندي بعض العناوين لكنها في المكتب ..
بكرا الصباح بحطها لج ان شاءالله بس عساني ماأنسى لأن المكتب من أدخله تنقفل الدنيا بوجهي

القطري

15-05-2022 - 11:34 pm

تقدرين تعطيني التواريخ ولاعليج أمر ..

حبيبة زوجها

16-05-2022 - 12:35 am

معليش اخوي امس اضطريت اني اترك المنتدى
تاريخ 22 جون والخروج 24 جون يعني يومين بس

القطري

16-05-2022 - 01:36 am

حبيبة زوجها
بشري !!
حصلتي حجز ولا لا !!
وشيكتي مع الفندقين ألي بأجول رود الي ذكرتهم لج !!

sat111

16-05-2022 - 02:37 am

الأخت العزيزة حبيبة زوجها
الفترة اللي ذكرتيها متوفر خلالها غرف بفندق كمبرلاند
مين قال لك أن الفندق فل ؟!!
والسعر المتوفر لمدة ليلتين إعتباراً من 22 يونيو
هو 185 باوند لليلة الواحدة شامل الخدمة والضريبة والإفطار
في غرفة ديلوكس كنج بيد لشخصين
تحياتي

بريطانيا المسافرون العرب

طلب عاجل لو سمحتوا