وعليكم السلام ورحمة الله وبركاته
مراحب بنت ديرتي ..
اقدر افيدج برقم مكتبين للشقق هناك وممكن تطلبين منهم مباشره وأتمنى تاخذين شقق مكيفه للأحتياط
وأي شي ثاني احنا تحت امرك ..
ملاحظه : فيه عماره مكانها عند لفة Argos بعد المطعم الأيراني على طول عند اول لفه ..فيها سكيورتي 24 ساعه..عماره روعه وفخمه وأذكر خذيناها ب 800 باوند في الأسبوع ..وهي عباره عن شقه فيها 3 غرف + 3 حمامات ( عزكم الله ) + صاله + نت + تلفزيون ودش ( قنوات عربيه )

هلا اخوي القطري ..
ومشكور ع الرد وع الارقام ..
بس بغيت توصيف اكثر للشقة اللي ذكرتها لو سمحت .. يعني شنو جنبها وفي اي شارع بالضبط واذا عندك اسم العمارة لاتقصر .. وكم تبعد عند الهايد بارك ..
وسوري باتعبك معاي ..

qatar moon
تعبج راحه يابنت ديرتي ..
أسم الشارع للامانه نسيته بس الوصف سهل وخصوصاً ان ARGOS مشهور والعرب طايحين فيه ..
أسألي اي واحد في ادجول رود عن ARGOS بدليج عليه ..وبعطيج وصف سريع وسهل ..
اول ماتدخلين ادجول رود من جهة اوكسفورد تمشين حوالي3 دقايق وراح اتلاقينه على ايدج اليمين بعد ماكدونلز ..اول ماتوقفين عند لفة ARGOS اتلفين ايمين ..راح اتمرين على حلاق عربي وبعده مطعم هندي وبعدهم مطعم ايراني ..هذا المطعم الأيراني مشهور بأكله الحلو وخصوصاً المشويات ..بعد ماأتعدين المطعم بحوالي 47 أمتار بس راح اتلاقين عمرج واقفه عند لفه ..العماره بتكون على أيدج اليسار مباشره ..العماره تطل على شارعين ..بمعنى ان العماره نفس الشارع الي فيه المطعم الأيراني ..والهايدبارك قريبه..يعني حوالي 7 دقايق بالكثير مشي وراح اتكونين فيها ..
ايقولون عني معقد في الشرح ..
اتمنى ايكون شرحي واضح ..
واي شي تبينه ماأيردج إلا اللسانج ..مجمعات + محلات + حدايق ...الخ
انتي اطلبي وأحنا انفذ ..

ادجر رود في فندق يسمونه الناس عمارت العوازم وفي البارك وست

معليش اخوي القطري على اللقافه بغيت اسأل عن الشقه هل هي نظيفه .. وشلون اثاثها..
وانت تقول ..خذتوها ب 800 باوند ..؟! هاي فأي سنه..؟! لاأني ماحصلت شي أقل من 3.000 ..
ومشكور وماتقصر..

العنابيه
مراحب أختي ..وأحلى مافي النت اللقافات ..
بالعكس إذا عندج أي استفسار فراح اتلاقيني تحت أمرج
هذا الكلام كان في 2005 والشقه نظيفه والحلو ان الشقه نظام فندقي بمعنى أن العمال اينظفون الشقه يومياً ( ترتيب الغرف + الحمامات ( أعزكم الله ) + المطبخ
واي خدمه نحن في الخدمه ..

مشكور مشكور اخوي القطري وما قصرت ..
اول ما قلت حق امي الوصف على طول دلت المكان ..
بس الله يخيليك في اي وقت تتذكر اسم العماره لاتنسى تعطيني خبر لان بعد كم يوم بيروح ابوي يحجز ..
ومشكور مره ثانيه واسفه ع الازعاج..

qatar moon
ههه
عارفه ليش الوالده اعرفت المكان
إذا رحتي ان شاءالله بتعرفين ليش الوالده اعرفت المكان وأكيد أعرفته من ARGOS:8888:
وأول ماأتذكر أسم العماره بقولج ان شاءالله وبكرا راح ادور في الكروت الي معاي يمكن الاقي العنوان بينهم
ومافي أي ازعاج وبالعكس احنا اهنا عشان نخدمكم ..

مشكور يا ولد بلادي على ردك
والله يعطيك العافيه