السلام عليكم ورحمة الله وبركاته
الى الاخوان والاخوات الطيبون اعضاء المنتدى........
ان شاء الله مسافر الى لندن وهذه أول سفرة لي .....
أبي من اصحاب الخبرة او من سبق له السفر الى هناك ان يفيدني بكل شي ....
أنا بسافر بروحي سياحة لمدة 20 يوم .....
المطلوب من الحلويين :
1- شلون او شنو طلبات استخراج الفيزة من سفارة بريطانيا في الكويت . ( أنا خليجي ).
2- شنو أحسن طيران دايركت.
3- شلون اسوي وقت الوصول الى مطار هيثرو لندن؟
4- وين أسكن بفندق أو شقق سكنية ؟ شنو الافضل والامان؟ وكم الاسعار؟
5- واللي يعرف فنادق حلوه ونظيفة وفيها امان لايبخل علينا .
6- وشلون الاكل عندهم المطاعم اسلامية او غير ؟
7- المناطق السياحية وين تكون ؟
8- شنو الافضل بالمواصلات التاكسي او الباصات او القطارات من ناحية السعر والسرعة والامان.
9- الصج لغتي الانجليزية شوي يعني شنو نصائحكم بخصوص التفاهم مع الناس .
10- واللي عنده احد يدرس هناك لايبخل علينا من باب الصداقة. ( معرفة الناس كنز).
- - أرجوا من اصحاب الخبرة مساعدتي بشرح مفصل عن السياحة في لندن وايضا سمعت ان في لندن شارع يسمونه شارع العرب السكان والمحلات كلها للعرب هل هذا صحيح؟ وهل تنصحوني بالسكن او التردد على هذا الشارع؟
######
وسلامتكم.......
كل هذا و طلب بسيط !!! يبيلها دفتر أبو 40 ههه
1- تقوم بتعبئة النموذج على النت و تطبعه مع صور حديثة و خلك دقيق جدا في التعبئة
ولا بيردونك عبر هذا الموقع
http://www.visa4uk.fco.gov.uk/ApplyNow.aspx
2- دايركت الكويتية و البريطانية و bmi شوف الارخص من مواقعهم
3- تصف سرا و يختمون جوازك و تأخذ الاندرقراوند للفندق
4- فندق أفضل دامك لوحدك بمنطقة البيكاديللي والاسعار من 150-200 باوند
5- فندق radisson edwardian leister square و كلها أمان
6- المطاعم الحلال بكل مكان ماراح تتعب
7- تقارير الاعضاء مليئة بالاماكن بل وضع بعضهم مشكوراً برامج سياحية
خذ و رقة و قلم و سجل الاماكن اللي تعجبك لكي لا تنساها يعني سوي برنامج خاص لك
8- الاندرقراوند أفضل و أرخص و كلها أمان
9- بيمشي حالك و استغل الفرصة لتعلم كلمة من هنا وهناك واللغة العالمية هي الاشارة
10- لايوجد لدي لكن أشوفهم دايم بكافيهات البيكاديللي بامكانك التعرف عليهم
طبعاً السياحة بلندن من الأشهر عالمياً وخذ لك لفة على التقارير ستدهشك روعتها
لكن تحتاج للتحضير سوي لك برنامج و اطبعه و خذه معاك وامشي عليه
لا تروح هناك و تضيع وقتك بالسؤال عندك هنا خبراء ماشاء الله استفد من خبرتهم
لاأنصحك بالتردد على الايدجوير رود شارع العرب زيارة واحدة تكفي
متعة السياحة في التغيير لا تكرار الأحداث
سفرة سعيدة تقبل تحياتي