السلام عليكم ورحمة الله وبركاته
اخوي انا حاليا بالنمسا في زيلامسي بنسبه للي اشوفه جدامي شوراعهم عاديه
والسكان يسار مثل الكويت
وبنسبه للا رخصه رووح طلع رخصه دوليه
من نادي السيارات الي على الداير الرابع مقابل صفات الغانم بجانب شركة الوطنيه للاماكولات الغذاءيه0
المطلوب 10د.ك + صورتك بدون غتره خلفيه بيضه + صورة الجواز
وخلال 10 دقايق تستلم ليسنك الدولي من دون تراي لا تحاتي :>ونصيحتي لك اجر من من اهني لا تاجر عن طريق المكاتب بالكويت لانف فراق معاي السعر وثاني شي اهني
تقدر تعاين السياره وتنقي بين البانزين والديزل امه بالكويت يحجزلك وخلاص تتوهق بعدين يعطونك بانزين
لانه سعر البانزين غالي والديزل ارخص واوفر
وتفضل مروري

يعطيك العافيه ياخوي وشاكر مرورك وموفق إن شاء الله
شلون الجو عندكم بارد؟ يعني نييب ملايس شتويه معانا ؟

والله اجو ابداع
مشمس ونسمه برااد وغييم ما تدري هل شتى ولا صييف
والله لا ما يحتاج العموم اهني صيفي بس اذا كنت ناوي تصعد الجبل الثلجي بكابرون خل معاك حتياط جاكييت
بس الجو على قولتهم بطل دريشتك وهوا ربي ابرك من المكيف ولا تطقطق بليل من نسة البرد
يعني خيال
خلك صيفي لا تجيب شي شتوي جاكيت او بلوفر واحد حتياط لكابرون بس

القيادة في الريف النمساوي وخصوصا زيلامسي وسالزبورج ممتعة للغاية والناس تطبق الأنظمة المرورية بحذافيرها هناك وبذلك تقود وأنت مرتاح فضلا على أنك تكون على (كيفك) مادام السيارة معك ولاترتبط لابباص ولاغيره من وسائل النقل العامة... أنصحك وبقوة باستئجار سيارة وأفضل أن تستأجرها من شركة Sixt بحكم تجربتي معهم الصيف الماضي

اشكركم والله يعطيكم العافيه على الردود