حياكم الله
بحيرة وينداميير
أسهل طريقة تروح بالقطار
تروح لمدينة وينداميير Windermere*
حيث هناك تقع بحيرة وينداميير
لما توصلون المدينة راح تحصلون خارج محطة القطار الصغيرة جدا محلات تسوق ، وخلفها جهة المدينة راح تحصلون مركز الإرشاد السياحي. يوفر المركز جميع المعلومات اللي راح تحتاجونها .
تقدرون تروحون بالتاكسي للمدينة والبحيرة.
أو إذا كنتو تحبون المشي تروحون مشي ويبعد وسط المدينة أقل من 10 دقائق ، والبحيرة حوالي 20 دقيقة .
السكن متوفر في كل مكان سواء فنادق أو نزل رخيصة .
يتوفر في المنطقة أماكن استجمام ورحلات في البحيرة ، واستئجار قوارب ، ومطاعم متنوعة .
المدينة صغيرة نوعا ما .
والتنزة حول البحيرة ، وركوب القوارب أفضل شيء في المنطقة .
يومين كافية تماما.
يمكن يوم واحد يكون كافي بعد إذا كنت مستعجل .
وممكن تسوون بحث في قوقل.. معلومات شاملة عن المنطقة
Lake Windermere, Cumbria
أفضل وقت لزيارتها من شهر 4 الى شهر 10*
توجد بعض المناطق الريفيه الانجليزي وهي مناطق حلوة*
1- swansea هذه المنطقة وايد حلوة .
2- tenby منطقة ريفية وهادءة .
3- barryisland منطقة بحرية حبيت احطها لكم لانها وناسة وحركة .
4- brecon وايد حلوه وناسة انصحكم فيها وهذي المنطقة ايبون منها مياه صحية .
وهذا سايت في عن الاكواخ*
http://www.walesdirectory.co.uk/holiday-cottages
وهذا رابط القطار للحجز
http://www.nationalrail.co.uk/
اتمنى هذه المعلومات تفيدكم
واي خدمه *

اخوي اذا بتروح من لندن عن طريق محطة euston
الى محطة windermere في ويندرمير
ادخل على الرابط اللي حطه لك اخوي موادع
تبع القطارات
واختار هالمحطتين والتاريخ اللي تبي تروح فيه
وبيطلع لك قائمة فيها القطارات المتوفرة
فيه بعضها مباشر بدون ما تنزل
وبعضها لا فيه تغييرات
شوف الوقت اللي يناسبك والاسعار
وبامكانك تكمل الحجز عن طريق النت وبيطلع لك انواع التذاكر
بعضها e ticket
وهذي تطبعها وتستخدمها نفسها
وفيه self collection
وهي اللي تاخذ رقم الحجز ولما تروح هناك تحطة في الماكينة وبيطلبون منك الفيزا اللي حجزت عن طريقها
واي سؤال انا حاضرة*