Mr.MANSOUR7
23-08-2022 - 03:31 pm
السلام عليكم ورحمة الله وبركاته
يمكن ذكرو الاخوا مواضيع كثير الي طريق الي الكويت
لكن بعطيكم التفصيل الممل انا كويتي ولكن حسب سفراتي الي السعوديه عرفت الطريق الاقرب
بنسبة للخوان الي يجون من الخبر والدمام والمنطقه الشرقيه كا كل
احسن طريق لهم طريق بو حدريه يمكسه سيده لين جوزات الكويت
وبنسبه للخوان الي جاين من الرياض والديار الي حولها احسن طريقه يجي من طريق جوده
الي هو وادي العجمان المعروف لدى كثير من الناس وفي ناس يسمونه وادي المياه
اول مايروح لجوده يعدي جوده طريق 10 كيلو متر يجيه دوار جديد ياخذه يسار بعدين يمكل سيده طبعا على يمنه ويساره
منطقتين متالع وعريعره هذا الخط يمسكه سيده لين يوصل نعيريه يجي دوار بوجه ياخذه يمين
يكمل سيده ليما يطلع من النعيريه المدينه عاد يجيه طريق تقريبا 30 كيلو يكمل سيده ليما يخلص فيه الطريق
بعدين يجيه خط بوحدريه عاد ياخذ يمين وجه جنوب يجيه لفه فوق تحت ياخذ فوق تحت ويكمل لسيده ليما يوصل الكويت
الاجراء الالزمه بعد جوازات السعوديه تاتي جوزات الكويت طبعا
جوازات لازم لان للحين مصارت الاتفاقيه عبر الحدود البريه وتامين للسياره
بعدين دخلتو الكويت خط سريع يسمى الملك فهد بن عبد العزيز
اخر الخط هذا طبعا طوله تقريبا يمكن 140 كيلو متر اشاره هي اشارة العاصمه
طبعا خط الملك فهد امتداد من الجنوب الي الشمال يقطع الخط هذا داوئر
دوائر عباره عن جسور تاخذه يسار او يمين بما يسمى كوبري
بذكر اهم الدوائر هذي
للخوان الي يبون يذهبون الى السالميه ياخذون دائري الخامس بتجاءه اليمين
وللخوان الي يبون يذهبون الى الافنيوز ياخذون دائري الخامس بتجاءها اليسار
وللخوان الي يبون يذهبون شارع الخليج وطريق الساحلي للبحر
ياخذون دائري السادسه بتجاهء اليمين وبتجاء اليسار الليبون يذهبون لمجمع 360 والفرونيه والجهراء
والي يبي العاصمه يكمل سيده لايمين ولايسار على خط الملك ليما يوصل اشارة العاصمه يكملها سيدها
والي يبي يروح سوق شرق قبل الاشاره هذي ياخذ فرعي يمين يكمل سيده تجيه اشاره يكمل سيده يجيه دوار يكمل تجيه
اشاره على البحر ياخذ يساره يجيه سوق شرق على يمينه
انا يمكن دخلت بتفاصيل لكن اتمنى اني وفقت بتقريري ولي حاب بستفسر عن شي انا حاظر
اخوكم منصور
