هلا اختي
بعطيش مخططي يمكن يفيدكم
بتكون رحلتي نفس عدد ايام رحلتكم 15 يوم
نقضيها 7 ايام في باريس و الباقي سويسرا
في باريس بنروح ديزني ليلتين و خمسه ايام في نفس باريس
بعدها بنطلع بالطيران الاقتصادي من مطار شارل ديقو في باريس الى زيورخ مده ثلاث ايام وبعدها الى انتر لاكن 4 ايام
و آخر يوم بنقضيه في جنيف عشان بتكون رجعتنا من مطار جنيف الى الوطن
بالنسبه للسواقه في باريس ما اشوف احد ينصح فيها
اما سويسرا الكل ينصح فيها

مشكور اخوي ابو علي بابا وماقصرت
بصراحه مخططك عجبني بس ياليت لو تقولي كيف بتقضي الايام ف زيورخ وانترلاكن ؟
لاني بصراحه لين الحين جمعت معلومات عن باريس
ونصيحتك لي اني ما ااجر سياره ؟؟؟؟ لاني بصراحه اول مره اسافر مب وعارفه اذا بفهم على حركات المترو والباص وبلحق عليهم ...وخصوصا معاي طفل 10 شهور يعني بكون ثقيله شوية
ياليت لو حد يفيدني

عشرين مشاهده وماشي غير رد واحد !!!!!

*nawary
لا شكر على واجب يالطيبه
بالنسبه للايام في زيورخ
اليوم الاول تمشيه في المجمعات القريبه مثل المانور و شارع الباهنهوف و البحيره
اليوم الثاني شلال الراين
الثالث هايدي لاند
انترلاكن
اول يوم نفس زيورخ تمشيات قريبه
ثاني يوم قمه جنغفرو الثلجيه
الثالث قريه ثون و شلال جسن باخ
الرابع البحيره الزرقاء و اوشن سي
باريس جدولنا حطيناه في موضوع خاص في الاستفسارات
بالنسبه لمترو باريس سهل جدا رغم اني لسه ما رحت لكني و لله الحمد بمساعده الطيبين و مواضيعهم الواضحه عرفته
اذا احتجتي اي استفسار لا تترددي ترى الكل يساعد و ما يقصروا فيهم الخير

ممكن سؤال
كم الميزانيه ل اسبووع في باريس مع التذااكر..؟

مشكور اخوي ابو علي بابا عالرد
بس عندي سؤال اي وسيلة نقل بتستخدم من زيورخ لانترلاكن لجنيف
وكم ساعه بين كل وحده فيهن
واذا بحذف وحده عشان اطول مدة الاقامه فجنيف كيف اخلي المخطط؟
شكله محد معبرني فهالقسم الا انت
بالنسبه للاخت ريما...بصراحه ماعندي علم لاني اول مر بسافر وللحين ماخلصت تخطيط

اختي الاخوان ما يقصرون صدقيني
بس ممكن عشان معظم الاسئله تخص سويسرا المفروض تنطرح في البوابه السويسريه
على العموم ان شاء الله بيكون تنقلنا من باريس لزيورخ بالطيران الاقتصادي
اما من زيورخ الى انترلاكن و جنيف عبر القطارات في سويسرا
و في البوابه السويسريه تلاقي اجوبه وافيه لاسئلتش ان شاء الله
موفقه ان شاء الله

مشكور اخوي ابو علي عالرد
بس انا محتاره 15 يوم تكفي فباريس
ولا اقسمها بين فرنسا و سويسرا
واذا بس بقضيها في فرنسا وين اروح غير باريس ؟