عندك فندق الخليج .. والميرديان
اما المنتجعات ماعندي علم بصراحه ... اتمنى الاخوان يفيدونك اكثر

اخي الكريم اختيارك لبننيان تري للمناسبه الخاصه جدا ممتاز بس ترى سعره اقل من كيذا شيك على الموقع حقهم انا شايفته 3500 ريال الليله جزر حوار مايمدحونها مره اذا تبي عندك فندق الريتز اخذلك غرفه مطله على البحر روعه وفندق فخم مره

NOUF_O_BSS
مرحبا فيج أختي ...
البنيان تري هو الأفضل أكيد ... وسعره مب 6000 ريال ... نصيحتي لج .. اتصلي بنفسج على حجوزات الفندق واسأليهم .. وهذا رقمهم 0097317845000 ...
وأكيد بيكون شي يبيض الوجه ... وحياج الله ..

هل منتجع جزيرة حوار ممتاز؟

لالالا حوار ما انصحك
الريتز كارلتون وبس
افخم الشي في البحرين والله قمة المتعة فيه

الصراحة مافيه افخم من بنيان تري في البحرين
منتجع رائع رائع رائع
من مميزات المنتجع انه فلل وفيه مسبح خاص لكل فيلا والفيلا كبيرة وهي عبارة عن حديقة كبيره نوعا ما وصالة وغرفة نوم وحمام كبير يحتوي على دش خارجي ودش داخلي مع بخار وبانيو وغرفة ملابس وجميعها مطله على المسبح -(اسف وفيه كمان جكوزي مع المسبح) وفيه ايضا غرفة طعام صغيرة وغرفة جلوس صغيرة مطله على الحديقة والمسبح.
الصراحة فيلا رائعة جدا وخاصة في الليل، طبعا المنتجع بعيد عن المدينة يعني ماينفع تاخذ الفيلا وانت رغبتك اسواق وتمشيات بس ،هذا المنتجع حق الناس الي تدور رواق.
نصيحة اخيرة سعر الفيلا عن طريق موقع الفندق وعن طريق اغلب المواقع3500 ريال تقريبا .
فيه موقع ممتاز يعطيك الفيلا 2250 ريال بدون الضريبة يعني 2700 ريال والموقع يعملك حجز فقط يعني الدفع عن طريق الفندق وانا جربته
الموقع هو https://www.booking.com
صراحة مالقيت سعره ابدا في جميع المواقع
اخيرا
المنتجع ينفع لناس تبغى الهدوء والسباحة بخصوصية تامه
ارجو من الي سبق السكن فيه انه يعطينا انطباعه
بالتوفيق للجميع

اختي نصيحتي اذا تبين تقعدين بس بالفندق ماتطلعين تتمشين اوتتسوقين فبلا شك بنيان تري...
واذا تبين كل شي قريب منج سواء مطاعم او كفيهات اومجمعات تجاريه فبلا تردد الرتز كارلتون وتكون الغرفه او الجناح مطله على البحر...
اما بخصوص حوار فمانصحج ابدا لان السكن مو ذاك الزود على حسب ماسمعت.

اسمحيلي اختي NOUF_O_BSS أتطفل على موضوعج ..
آنا أبي نفس الشي ..
أبي فيلا صغيرة أو شاليه بشرط توفر حمام سباحة خاص ..
وبشرط مكان نظيف وراقي ومميز ..
راح أشوف البنيان تري ..
لكن سؤالي هل في أماكن ثانية مميزة غيره ..
وشكرا لكم ..

يااخت نوف وبس
بحكم ترددى الدائم على الغالية البحرين
راح اذكر نقاط وهى بتكون جواب لسؤالج والاختيار فالاول والاخير يعود لج :-

• إن كان الخاطر قضاء الليلة الخاصة في فندق فعليج بفندق (الريتز) بلا منازع
• يميزه خدماته ومطاعمه وهدوءه المريح ومكانه الفخم فى ضاحية السيف
• يعيبه صغر غرفته (إن كان الاختيار دبل روم) وإن كان سويت فانتهت المشكلة
• إن كان الخاطر قضاء الليلة الخاصة فى منتجع فعليج بمنتجع سي لوفت
• منتجع جديد جدا ولعرب للحين ماطاحوا عليه
• شاليهات تتكون ضمن جزر كاملة وللان فى طور البناء المول المقابل للشاليهات وبناء شاليهات اخري فالجهة المقابلة للبحر
• الشاليهات نظام 3 ادوار لكن ملمومه ومتناسقه
• في كل شاليه حمام جاكوزي وانا اعتبره حمام سباحة خاص وذلك لكبر حجمه (يتسع ل6 أشخاص بالراحة)

وحقيقة من أفخم أنواع الجاكوزي اللى شاهدته فى المنتجعات والفنادق

• الخدمة ممتازة بحكم تجربتي الشخصية وترددي على المنتجع ممكن لأن مدير المنتجع صار صاحبنا أو ممكن لأن المنتجع

للآن ماشهد الزحمة اللى تشغله عنا

• ملاحظة مهمة جدا

( الشاليهات بالنت سعرها ينطلق من 290 دينار بحريني )!
مدري إذا الادارة تسمح بوضع التلفونات واللا لا
لأن المدير فديته الهندى وزوجته الفلبينية
عطاني خصم صراحة ندمت على ايام مضت من دون السي لوفت
وبامكانكم الاطلاع على امكانيات المنتجع
https://www.booking.com/hotel/bh/sea-loft-boutique-chalets.html?aid=1300939
وانا حاضر لأى استفسار