السلام عليكم
ابي دلال ام خماس وين احصلها والله مادري وين بس بسألج إن شاء الله
وابي عبايات كشخة ؟
إذا بحدود 500 و 600 مركز ابو هيل
وإذا 1000 و 1300 وحده مواطنه عباياتها وايد حلوه
وجلبيات جاهزة لرمضان
سوق عكاظ للجلابيات وأسعارهم من ال50- 300 وتحتاجين مكاسر معهم
موقعه قريب من سوق نايف وقبله بشوي ...
إذا انتي جايه من جهة فندق حياة رجنسي... تخلين مركز شرطة نايف على يسارك وتكملين سيده الإشاره الأولى اتعدينها
سوق عكاظ عند الإشاره الثانيه بالظبط عالزاويه... وإذا لقيتو اي باركن قبل الإشاره الثانيه بركنو لأن هالمنطقه صعب تلقين باركن... ولو تروحون في تاكسي أفضل
وإذا تحبين من 1500 وطالع محل كبرى القصير جلابياتها حلوه في مركز بالم ستريب..

• سوق مرشد خلف سوق الذهب فيه محلات جلابيات ... يفضل فالمساء لأنه سوق شعبي

وفساتين سهرة

• مركز البستان(دبي) اسعاره معقوله من 700 - 2500 ... في منطقة القصيص أول دبي
• مركز المنال(دبي) اسعاره معقوله من 700-2500 .... مقابل سوق نايف
• مركز حمر عين (دبي) فيه محلين للفساتين
• فالشارقه مركز صحارى من 1000 -3000 ... المركز قريب جداً من دبي
• فالشارقه مركز الميغامول ...عندهم كذا محل خلف ال BHS

ماشاءالله بنوتة الامارات
فعلاً اسم على مسمى (خبيرة الامارات)
ماشاءالله كفيتي ووفيتي ومابقى اي معلومات نقدمها زيادة

ممكن رقم المواطنه اللي تبيع العباياات
لو سمحتي بسرعه لاني بسافر
hذا ماتقدرين تعطيني رقمها هني طرشيه على هاي الايميل

أختي انا من السعودية وفي محلات (حناين ) للعبايات والشيل وله عدة فروع بمجمع ستي سنتر وبرجمان واتوقع بعد مول الإمارات بصراحة مرره روعه واكثر شي يعجبني الشيل عندهم مره مميزة بس اسعارهم شوي غالية يعني ارخص شيلة بحدود 250 او 300 درهم بس قماش يدوم وكل من يسألني من وين
انصحك تروحين وتشوفين.. وبعدين خبرينا من وين اشتريتي لأني بجي دبي الشهر الجاي
تحياتي

السلام عليكم ورحمة الله وبركاته
شكرا لكم على الردود وشكر خاص لبنوتة الامارات
بس يا ريت من الاماراتيات يعطونا عناوين او ارقام الاماراتيات اللي يفصلون العبايات بالبيت علشان نفصل عندهم المرة الجاية ان شاء الله
رجعت الدوحة (الله يحفظها ) بالسلامة
شريت جلبية 1500 من مركز صحارى بالشارقة محل خلف ال Bhs
عندها لاجلبيات للمناسبات
اما العبايات فاتصلت بالرقم اللي عطتني اياه بنوتة الامارات ( جزاها الله خير ) لكن طلعت انها مسافرة وبترجع شهر 8
عجبتني كثير عبايات محل اسمه ( فيرست ليدي ) ابرجمان مول بس انها غالية كانت 2200 ريال وكنت باخذها صراحة لانها حلوة كثير عباياته احسها مميزة دانتيلات وحدايد وشكخة
اضافة انه العبيات عندنا في هذه الحدود او ارخص بشوي لكن اخر يوم لقيت محل بمركز بصحارى
اسمه جيلاتو فصلت عبايتين اب 1500 ريال
اما الفساتين فعجبني فساتين بمركز بن بطوطه المحل مادري عن اسمه يمكن اسمه كوكون بس في القسم المصري او الفارسي ( هم عند بعض ) الفستان الواحد اب 2400 ريال تقريبا .
علما ان الكل سواء العبايات او الفساتين راح يرسلون بالبريد لانا تبي تعديل في المقاسات
اتمنى اني فدكم
بس يا ريت من الاماراتيات يعطونا عناوين او ارقام الاماراتيات اللي يفصلون العبايات بالبيت علشان نفصل عندهم المرة الجاية ان شاء الله

اختي لو ماعليج امر ان شاءالله السبت القادم رايحيين للامارات والمدام تبي رقم او عنوان المواطنه اللى تفصل عبي وهل شغلها حلو ولا عادي
وجزاكم الله خير

معليش اخوي انا مسافر عن طريق البحرين الي دبي ومن دبي الي صلاله فهل احتاج فيزا للخادمه للبحرين ودبي ارجوا الافاده لا عدمناك وشكرا

شكرا للجميع
وجزاكم الله خير