احسن مكان واسعاره معقوله مركز ابو الهيل للشيل والعبي وبتلاقين كل الي يعيبج ان شاء الله ...
بس ما اعرف مكانه وين بالظبط ان شاء الله الخوات يقولولج ...
اختج اليازي

تسلمين اختي اليازي وانا بعد سمعت عنه لكن ماعرف وين مومشكلة
حتى لو محل واحد في مجمع المهم يكون حلو
انتظر ردودكم يا بنات

اختي اليازية ممكن اعرف وين القى ماركة بربري للاطفال؟؟ ومحلات الماركات الثانية للاطفال مثل ديور

اختي ام ياسمينا سؤالج عن محلات ماركات للاطفال بصراحه ما اعرف نحن تعودنا في العايله نشتري لهم من محلات معروفه مب شرط تكون ماركه ( هالي ناقص نعودهم على الماركات ) كان طحنا على بساط الفقر :d
مااقدر اعطيج جواب لاني يالغاليه ما اعرف ها الماركات اتمنى انه اي حد ثاني يقدر يجاوبج
اختج اليازي

بالنسبه لمحلات الشيل والعبي ..... الراقيه .... واسعارها نوعا ما غاليه
هي :
سيدتي الجميله .... يقع في مركز بوليفارد في دبي ... بوظبي يقع في مركز فتوح الخير .
بلودان .... يقع في احد مراكز جميرا في دبي ..... بالنسبه لموقعه في بوظبي ...فهو في المهيري سنتر في ابوظبي .
يوجد ايضا محل اسمه ايليت للعبي والشيل ... يقع في جميرا على ما اعتقد في مركز بالم جميرا اظن هذا اسمه وهو مركز صغير .... مقابل محل the one للأثاث .
بالنسبه لماركة بربري اخر مره شفتها في نفس المركز السابق ... موجوده في محل اطفال تحت ... عنده بربري ... وكنزو ... و ايلي .... للأطفال .
وعن محلات الاطفال في دبي اللي تبيع الملابس الماركا ت : ( طبعا حضرتيه خبره فيها )
1/ ماجيستيك في شارع المكتوم في دبي ( عنده بيبي ديور .. روبيرتو كافالي .. سونيا رايكل ... وماركات متنوعه ...ولبس الاطفال في الطابق الثاني ) ... ويوجد ايضا بالقرب منه محل اسمه انا وطفلي ... عنده ملابس حلوه بس ما اظن تكون ماركات .
2/ قصر الصغار ...(أظن هذا اسمه ) .... موجود في وافي سنتر ... وعنده موسكينو ... فيرساتشي... موناليزا .... وايضا يوجد له فرع كبير في شارع الرقه .
السنه اللي طافت كنت رايحه مركز حمر عين وشفت عندهم محل يبيع ماركة الاطفال الفرنسيه كاتيميني ... ما اعرف اذا المحل موجود الحين والا .
أما عن محلات الماركات في ابوظبي ... فخبرتي ستكون اكبر واشمل لأني من سكان ابوظبي ... عموما المحلات رائعه وهي :
1/ ملاكي الصغير شارع حمدان .... عنده ماركات واللي اذكرها ... كريستيان لا كروا للأطفال ... لابيرلا للأطفال ... والكثير .
2/ الطفل السعيد ... شارع الخالديه ... عنده اغلب الماركات ( ديور ..موسكينو ..موناليزا ... الخ) ... الحين في صيانه في المحل اذا رحتي بتلقين المحل فاضي .... لكن المحل انتقل للميزان في البنايه الى ان تنتهي مشاريع الصيانه .
2/ بيبي فاشن ... الخالديه بالقرب من المحل السابق ... ( عنده بعد ماركات راقيه )
3/ بامبيني ... تقريبا نفس المنطقه السابقه ولكن على شارع النصر ... عنده ماركات ايطاليه .
4/ أنا و صغيري ...مقابل محل بامبيني ويقع على شارع النصر .... عنده ماركات حلوه ومتنوعه ... اللي اذكره موسكينو .. ايكيس .... الخ .
5/ محل قصر الصغار يقع في منطقة الخالديه في مركز المهيري مول ...
6/ محل oilily موجود في ابوظبي مول .
7/ طفل الخليج .... وهو محل عريق جدا لكنه غالي بزياده ... يعني مب ضروري تروحين له .
يعني لو كنتي في بوظبي اهم المحلات من السايقه هي :
ملاكي الصغير
( الطفل ا لسعيد ... بامبيني ... انا وصغيري .. بيبي فاشن ...قصر الصغار... تقريبا كل هذي المحلات نفس المنطقه )
أتمنى اني اكون افدتكم .

الله يعطيج العافيه اخت سفريات يبتيها والله صدقوا مايجيبونها الا حريمها ههه
من الفرحه يسلمو

أختي ... ودي اخبرج
الكوليكشن الشتوي اليديد .... اظن بعد ما وصل ... لأني كل كم يوم اتصل على هذي المحلات ... يقولون بعده يعني لو ممكن تأجلين زيارتج للأمارات الى اول 10 عشان تضمنين انه كل شي جديد نزل في السوق .

سلام
هلا أخت سفريات.. انا ان شاءالله نازله هالويك أند دبي و أبغى أعرف كمان زياده عن أحسن محلات الشيل و العبايات.. كمان محلات ملابس نسائية
و عشان رمضان قرب أبغى أجيب أشياء القرقيعان معاي.. ففين تتوقعين أحصلها(أبغى أحسن و أغرب المحلات)
و مشكوره مقدما....