هلا اختي ريانة دهن العود
كان ودي اساعدج وللاسف ماعرف رقمهم
بس انشالله الاخوان مايقصرون
وانا بعد بشوفلج اكيد عندهم رقم للشكاوي انشالله احصله

روان بنت الكويت
مشكورة يا حبيبتي على ردج و ما تقصرين
جزاك الله خير
وأن شاء الله تحصلين الرقم وتبردين قلبي فيهم
:112: :112:
تحياتي ريانة دهن العود

اختي العزيزه انا اعرف الكثير من الموظفين هناك وانا ان شاء الله مستعد اعطيك رقم اي مسؤوول بس ممكن اعرف ماهي نوع الشكوي هل هي تخص الحجز اوالمبيعات ام امور تقنية اتمنى اختي انك تعرضين لنا المشكلة وانا على استعداد لايصالها للشخص المسؤول
مع العلم ان طيران الجزيرة دقيقة في كل شي ويمهم راحة المسافرين وصدرهم رحب لأستقبال اي شكوي وان شاء الله تاخذين حقج
واذا ماودج تكتبن المشكلة اتمنى ان تكتبنها برسالة لي شخصيا على الرسائل الخاصة
على العموم هذا بريد اكتروني للأدارة اكتبي المشكلة وانشاء راح يوصلك رد خلال اقل من 48ساعه

ما عندي رقم مباشر اختي ريانة بس هذه مجموعة الارقام لمكاتب الجزيرة في مختلف الدول موجودة في موقعهم و يوجد رقم خاص لكل من الحجز و الامتعة
http://jazeeraairways.com/Arabic/contact_us.aspx
مع ان طيران الجزيرة يتميز بالدقة و هو افضل بكثير من الخطوط الكويتية لكن الاخطاء و المشاكل واردة الحدوث

رحال
أولا مشكور على ردك لي وما قصرت وأن شاء الله راح أعرض المشكلة هنا أول بالمنتدى عشان الكل يستفيد
منها ومثل ما تعودنا في العرب المسافرون أن الكل يحاول ينقل خبراته للثاني
وأنا بعرض المشكلة عشان أن شاء الله أجنب غيري من القهر اللي حسيت فيه
والله مشكلتي تبط الجبد وتفقع المرارة
:112: :112: :112: :112:
أخوي أنا حجزت من موقعهم الألكتروني
خط السير بحرين دبي بحرين
والحمد الله كانت الرحلة موفقة وما فيها أي أشكال بالروحة وبالرجعة
لنا أنا وخواتي
بس أمي
لالالالالالالالا وحلفت ما تجرب صوبها مرة ثانية
المشكلة أمي حبت تمدد مدة الأقامة بدبي
قمت يوم رجعت البحرين
قطعت لها تذكرة أتجاة واحد
قلت مو مشكلة بلا عوار راس وبلا هم أدري أن فلوس
التذكرة اللي قبل راحت علينا
أقطع لها تذكرة جديدة أحسن
بس اللي يبط الجبد اللي صار
وهو أن يوم أمي راحت للمطار في اليوم السفر
وعطت الموظفة اللي في الكاونتر رقم الحجز والجواز
الموظفة قالت للوالدة أن عندها وزن زيادة
قالت لها اذا تبغين أمشي أمورك شيلي وحدة من الشناط
طبعا أمي جلست تشيل وتحط في الشناط
وجربت الوزن مرة ثانية وقالت لها أن عندج بعد وزن زايد 5 كيلو
قالت لها طيب راح أدفع كم المفروض أدفع ؟؟
قامت وطنشتها الموظفة اللي في الكونتر
أمي أستغربت
وجلست الموظفة
تأخذ الناس اللي بعد أمي
دخلت تقريبا 7 عوائل
وأمي مسكينة تنتظر وكل شوي تسألها كم الوزن
والموظفة تطنش
بكل برود
خلصت كامل شغلها وبعد ما خلصت راحت وسكرت الكاونتر
وطنشت لأمي وأمي جلست تناديها وينج وين رايحة
وهي مطنشة
:112: :112: :112:
المشكلة أمي مريضة بالسكر ومو زين لها الزعل والأنفعال وايد أمي من القهر
جلست تصارخ بالمطار وين
رايحة تعالي
الا يقولون لها الموظفين روحي أشتكي
ويوم راحت تشتكي بمكتب طيران الجزيرة بمطار دبي
محد عطاها ويه بالمرة واللي يقهر زيادة
المدير يكلمها من طرف خشمة
ومو راضي يعطيها أي حل ويقول لها أنا مشغول ويتكلم بالتيلفون
:112: :112: :112: :112:
تصوروا
وبعد ربع ساعة رد على أمي وقالها شنو مشكلتج
يوم قالت له المشكلة
قال لها ما في يدي أي شي خلاص الطيارة بتطير بعد
ثلث ساعة وما في اي فايدة وانا ما يخصني
إذا تبغين كتبي شكوى وخليها بره
يعني طرد أمي بكل وقاحة
قالت له طيب أنا راح اشكتي عطني أسم الموظفة اللي كانت على الكاونتر
قال هذه الموظفة مو تابعة للجزيرة
وما أقدر أقولج شنو أسمها
إذا تبغين بعطيج أسمي أنا
:112: :112: :112: :112:
قالت له زين شلون عن التذكرة هذي مو غلطتي غلطة الموظفة اللي كانت بالكاونتر
هي اللي ما دخلتني
قال لها مالي خص وإذا بغيتي ترجعين البحرين دفعي مرة ثانية وبحجز لج لبكرة
بالله عليكم تشوفون هذا عدل
أن أمي توصل بالوقت وتأخرها اللي بالكاونتر وبعدين تسكر الكاونتر بس
عشان أمي تقطع تذكرة جديدة
مو المفروض أنهم هم اللي يغيرون لها الحجز ويتأسفون لها عن تصرف هالموظفة
تشوفون أن هذا عدل من شركة طيران وجديدة
أمي من القهر جلست تصيح لأنها حست أنها مظلومة ومنقهرة
وتكلمني أنا بالتيلفون تشتكي لي وهي تصيح
وجلست من الخوف عليها لا يصيدها شي بعيد عنا
أنا بعد أصيح
قلت ما في حل إلا أتصل على المكتب الرئيسي بالكويت
تصوروا جلست من الساعة 3 العصر لحد الساعة
6 إلا عشر دقايق المغرب
وأنا أحاول أكلم أي أحد محد يرد
أتصلت على 965842842 +
يردون علي الموظفين يقولون لي مو هالصوب طيران الجزيرة ومو هني ممكن تشتكين
أتصلت على 9654333304+ طبعا ما في رد
عليهم بدالة
فاشلة
فاشلة
فاشلة
وألف فاشلة بعد
يعني الواحد يموت ما يحصل خط
اتصلت بعد على 9652248940+
ولا حياة لمن تنادي
ليش يحطون أرقام بالموقع محد يرد عليها
وحتى لو ردوا :36_13_1: كل واحد من الموظفين يحول المكالمة
على الثاني
يعني أنا خاطري أعرف فاتورة التيلفون اللي جلست أتصل من الساعة 3 لحد الساعة 6
منو راح يدفعها مو أنا
:112: :112:
يردون علي الموظفين وكل واحد يحول المكالمة
هذا إذا ردوا بعد
المشكلة جربت كذا خط مو بس مكاتبهم اللي بالكويت
جربت خطهم اللي بالبحرين قلت عل وعسى
وبعد ما في
فايدة
القهر أني لو قدرت أكلم أي أحد وأقول اللي بخاطري ما راح أهتم للفاتورة لأني
بردت خاطري فيهم بس بعد القهر ذي كله ولا أعرف أوصل لأي أحد فيهم
:112: :112: :112:
شنو هالطيران اللي لو أي مشكلة تصادفك ما راح حتى تقدر تشتكي عليهم
صراحة ثلاث شغلات تقهر فيهم
أولا
باط جبدي أسلوب الموظفة اللي كانت على الكاونتر
أدري بتقولون مو تبع طيران الجزيرة
صح بس مو ما يصير أنها تضيع حجز الناس عشان بس يدفعون مرة ثانية
ولا شنو هالحركة مقصودة يعني
ثانيا
المدير مكتب طيران الجزيرة بدبي ما ينفع بالمرة
لأنه أولا وأهم شيئ وما عنده تعامل طيب مع الناس
وما يحترم الغير بالمرة
وعلى ما أظن أمي يوم راحت له ما راحت تشحت من عنده
راحت تطالب بحقها
أول شيئ ما عطاها وجه وبعدين أخرها زيادة يقول عنده شغل
وأسلوبه دون المستوى مع أمي
لدرجة أنه جلس يقول لأمي
أن أمي وصلت متأخرة تصوروا :shocking:
عشان هالسبب ما دخلتها الموظفة
رغم أن 7 عوائل دخلتهم الموظفة بعد أمي
ثالثا
والأهم البدالة الأرقام اللي حاطينها في موقعهم
يشيلونها أحسن لأنها ما تنفع المسافرين
بالمرة
لأن ما في أحد يرد على المكالمات :suprise:
:112: :5: :5:
أدري أني طولت في السالفة بس حبيت تفهمون ليش أنا منقهرة حدي عليهم
:112: :112: :112:
تحياتي للجميع وجزاك الله خير إذا قدرت تجيب لي رقم مسؤول أقدر أنقل له اللي صار
أخذ حقي وحق أمي وحرق الأعصاب اللي صادنا
والله ان ما في شي قاهرني كثر معاملتهم الزفت لأمي
اللي لدرجة أن خلوها تصيح من القهر والظلم اللي شافته منهم
الحمد الله الله ستر ورجعها لنا بالسلامة
ريانة دهن العود

Almoravid
مشكور أخوي
على مداخلتك وجزاك الله خير أن شاء الله
لأنك حبيت تساعدني
بس صدقني توبة ما أعيدها نوبة
أجرب طيران الجزيرة مرة ثانية
تحياتي ريانة دهن العود

اختي ريانة العود هدي اعصابج يالغالية وانا ما الومج بالمرة والله يكون بالعون بالفعل الموقف هذا بالمرة موحلو وهذه مشكلة متشعبة وانا مابي ادافع عن طيران الجزيرة ولكن بالفعل ان الموظفة هذه مالها علاقة بالشركة وكاونتر الشركة بمطار دبي فيه اكثر من 3 موظفين اضافة الي سوبر فايزر المسئول عن الحركة الارضية ونقل الأمتعه الي الطائرة
المفروض من الوالدة مانتنتطر الي ان مايسكر الكاونتر بسبب موظفة بدون اخلاق المفروض انها تتجهه الي كاونتر ثاني او الي المسئول مباشرة لأن لو الشكوي وصلت الي اي احد بطيران الجزيرة او حتى المسئولين في مطار دبي راح يكون حسابها عسير جدا
على العموم مثل المشاكل هذه تحصل في جميع المطارات وبالفعل ان هذا خطأ الموظفة معدومة الضمير ولكن اسمحيلي ان الوالدة فعلا تاخرت المفروض الشكوي توصل لأدارة المطار في نفس الوقت اما موضوع اتصال هاتفي ماراح ينفع ابدا لان كل واحد راح يقول موشغلنا اكتبي نفس الشكوي الي الهلب دسك وان شاء الله راح يوصل رد

بالنسبة لموضوع الوزن الزائد فان شركة مثل الجزيرة تعتمد عن الوزن الزائد وهذا نظام جميع شركات المنخفظة التكاليف
وانا ان شاء الله راح اوصل هذه الشكوى الي مسامع المسؤلين مباشرة

رحال
نسيت أقولك ياليت ياليت
تعطيني رقم الشخص المسؤول بأقرب وقت ممكن
لأنه بخاطري أنقل لهم هالتجربة بنفسي وما ينفع بالكتابة أبغي رقم التيلفون
ما ينفع أبغي أبرد خاطري فيهم
وبالنسبة للموظفة كنت أدري أن مالها خص لأنها مو تبع الجزيرة
ولو أمي راحت للمدير قبل ما الموظفة تسكر الكاونتر
ما أظنه راح يسوي أي شي
لأنه أسمح لي وقح في التعامل مع الناس
ولو كان يستحق هالمكان وهالمنصب كان
على الأقل ساعد أمي أو على الأقل هدأ من أعصابها وطمنها
وحاول أنه يساعدها انه يعطيها أسم الموظفة
على فكرة الموظفة فليبينية الأصل
يقولك المثل
كلمة الطيب غلبت الطبيب
وهذا الشي بعيد عنه بالمرة
فياليت تحط لي رقم أحد المسؤولين
وجزاك الله خير أن شاء الله
وربي يوفقك وييسر لك أمورك كلها يا رب
تحياتي ريانة دهن العود

رحال
أولا أشكر لك سرعة ردك
بس ياليت تقول للمسؤولين
صراحة شنو الحساب العسير جدا
اللي ممكن موظفة الكاونتر تحصلة
خاطري أعرف
يعني شنو بتنقهر كثر ما أنقهرت أمي اللي مريضة بالسكر ومو زين الزعل لها وايد
أمي من القهر لحد هاللحظة تذكر اللي صار وتصيح
وبعدين المدير وقله أحترامه للوالدة تشوف هالتصرف حضاري
وينفع لأسم شركة طيران هو يكون في واجهتها

وبالنسبة للتيلفون اللي ما يعرف يدخل الشبكة العنكبوتية
ولا يعرف يطرش الشكوى عن طريق الأنترنت
يرقع راسة بالطوفة
لازم في رقم تيلفون للمسؤولين لمثل هالمشاكل
لأني لو أنا قدرت أوصل للمسؤولين عن طريقك
غيري لاحول له ولا قوة وراح يموت من القهر
وللحين ما أخذ حقة صح كلامي ولا خطأ
وبالنسبة للوزن الزايد أمي ما كانت عندها أي مشكلة عن الوزن الزايد
سألتها عن قيمة الوزن الزايد عشان تدفع
الا موظفة الكاونتر هي اللي مادري ايش فيها :112:
لا يكون أمي ذابحة أحد من قرايبها وأنا ما أدري

أشكر لك ردودك اللي شوي بردت لي خاطري فيهم

تحياتي ريانة دهن العود