alshsaob
08-10-2022 - 09:47 pm
السلام عليكم ورحمة الله وبركاته
وكل عام وأنتم بخير
الصراحة أدور الفزعة من أهل قطر الطيبين
أنا باذن الله عزوجل جاي أنا وزوجتي وطفلي الرضيع لقطر في 6 أكتوبر برا بسيارتي من الشرقية
أول شئ ياليت من يفيدنا بالجو هناك
وثانيا الطريق من الخبر لقطر
وثالثا والأهم من ذلك أدور فندق سعره معقول وايش الأماكن والمجمعات الحلوة اللي تنصحون بزيارتها
ولكم مني كل الاحترام والتقدير
والسلام عليكم ورحمة الله وبركاته
وتنور قطر بكم
الجو ماراح يكون مختلف عن جو الشرقية ....
وان شاء الله نتمنى يزين وتخف الرطوبة
بخصوص الطريق اسمح لي ماعندي فكرة بس حسب
افادة الاخوان انه سهل وزين ...
السكن في موضوع مثبت في البوابة عن الفنادق من الدرجة الخامسة الى الاولى
يعني ان شاء الله تحصل مطلبك
طبعا اي استفسار ابشر به وانا اختك
وانصحك طبعا بجولة وعشاء او غداء في سوق واقف
والاسواق طبعا كثيرة نبدأ
فيلاجيو يوم كامل عجيب كل شيء به ملاهي وصالة تزحلق مقاهي مطاعم محلات تسوق
مركز سبأ عجيب ...وكل مايخطر ببالك
الستي سنتر نفس اللشيء وزيادة سينمات
وفي اللاند مارك وحياة بلازا والرويال بلازا
والمول... وطبعا عندك اسباير مجمع خليفة الرياضي ممشى حلو جدا
وعلى كورنيش الدوحة في عبارات على الكورنيش روعة
واي شيء ودك به تفضل وتنور قطر بكم