- تبدى الحكاية
بسم اللة الرحمن الرحيم
مرحبا بكل اعضاء المنتدى الاكثر من رائع الذي كان فية التسجيل اليوم خفف علي الصاعقة ولم اكن اتمنى ان تكون مشاركتي الاولى بهذي الطريقة المأساويه
تبدى الحكاية
كنت افكر في الذهاب هذى الصيف الى النمسا مع ام العيال ومنها الى ميونخ وكنت تقريبا يوميا اجلس اطالع المواضيع الجدا رائعه وهو ماشجعني بالفعل لتفكير بالنمسا وفعلن بدات ارتب للحجز من كثر ماكنت متشوق لسيره الى حبيبتي التي لم اراها بعد( زيلامسي) وكان الترتيب من شهر اربعه تخيلو وفعلن كان موعد السفرة 15-07-2009 الي هو اليوم وقربت السيرة وقمنا انرتب السامان انا وام العيال وجهزنا الشنط وما خلينا شي (اونا مبسوطين) المهم طلعنا اليوم ست ونص من بوضبي لدبي لانه على طيران الامارات الساعة 9:55 صباحا ووصلنا المطار وحطينا الشنط و بدوا الموظف يجيك على الجوازات قال وياليته مانطق وين الفيزا للاسف اني ماكنت اعرف انه الامارتين يحتاجون فيز وهذي كانت اول رحله لي الى اوربا
المهم منيه مناك قالي شل قش وروح جنيت ياعالم وسالتهم من وين الفيزا قالوا من سفارة النمسا في الامارات اتصل فيهم قالوا يا حبيبي يبيلك عشرة ايام على الاقل اتصلت في المكنب الي حاجز عندهم واسألهم ليش ماتخبروني قالوا والله يور مستيك المهم راحت علي الشنط داخل المطار وقالولي تعال بعد اربع ساعات عسب تاخذ الشنط يا عالم وين اروح انا من بوظبي اروح السفارة ولا اتريا الشنط اربع ساعات (ضياع في شتات) المهم رحنا انا والعيال الفندق وقلنا اليلة نبيت فدبي صراحه بدات افكر اروح بلباجر على تركيا او نيوزلندا لان اجازتي بتخلص والفيزا يبيلها وقت وفغلن اتكلمت مع المكتب بس عقب قلت حرام اربع اشهر وانا اخطط لنمسا اتروح عالفاضي بروح النمسا يعني بروح وقررت العودة الى ابوظبي المهم الساعة ست المسا رحت اخذ الشنط من المطار قالوا سوي طلب واتري اربع ساعات :112: خلاص اتخبلت وخذت الشنط الساعة عشر والان انا في المنزل
اسمحولي اخوني على الاطالة كنت اتمنى ان اول مشاركه اتكون من زيلامسي
افيدوتي عن الفيزا جزاكم الله خير
ماهي الاوراق المطلوبه
كم هي الفترة الي تاخذها حتى تخلص
وكم ياخذون على البالغين والاطفال
وينكم يهل العاصمة
السموحه يالغالين
