الفندق صغير وجميل من نوع البي اند بي
ماتحدثنا عنه لأنه اصلا ليس في انترلاكن وموجود في قرية رينقنبيرق الصغيرة - Ringgenberg على بحيرة برينزسي
http://
وسيلة المواصلات الباص والبوت
وهي تبعد 5 دقائق بالسيارة من وسط انترلاكن
الفندق جميل جدا وهاديء والمنظر رائع جدا
بالتوفيق

الله يعطيك العافية يابو عزيز ويسعدك انشالله
نفهم من كلامك انو اختيار موفق انشالله
ودحين بندور على فندق في جنيف سعرو كويس
ياريت لو ترشحلنا شي معين يكون قريب عالبحيرة
ونكون شاكرين لك

ومعليه يابو عزيز ابغى استفسر انو في تعب علينا لو جلسنا في هذا الفندق ولا لا
لانو احنا مو ناويين نستأجر سيارة .. وانت بتقول الفندق خارج انترلاكن
يعني تتوقع تواجهنا صعوبة في التنقل ؟
هل من الافضل اننا تغيير الفندق ام لا ؟

cute LoLo
ورابط تقريري بالضغط على الصورة اللي فوق
فندقكم على بعد 3 دقائق مشي من محطة الباص ومرفا الباخرة
ولو تلاحظين من الصورة الجهة المقابلة للبحيرة واللي فيها قريتكم ضيقة ومنحدرة بشدة ويادوب توجد شوي بنايات علشان كذا مافي طرق سريعة تربط هذه المنطقة ويعتمتدون على الباصات والبوت بشكل اوسع
اذا متعودين على هذا النوع من المواصلات اشوف انكم تضلون فيه لأن الفندق واطلالته ترد الروح
بالنسبة لجنيف ممكين تساعديني بالتاريخ والميزانية علشان ارشح لك شيء معقول

الله يعطيك العافية يارب
احنا انشالله حنكون في جنيف من 30 يوليو الى 1 اغسطس وبعدها حنطلع لانترلاكن
نبغى فندق في جنيف سعرو مايزيد عن 1000ريال بالكتير
وبالنسبة لفندق Brienzersee في انترلاكن لسة ما انتهى استفساري يابوعزيز
احنا اول مرة نطلع اوروبا يعني حابة اوضحلك انو مو متعودين على نوع مواصلات معين
لكن نبغى نوفر مصروف ايجار السيارة ومصروف البنزين واللي فهمناه انو شراء السويس باس واستخدام الباصات
والقطارات اسهل ولا انت ايش رأيك ؟
ثاني سؤال دحين لو اشترينا السويس باس حينفع نستخدمها في مواصلاتنا للفندق اللي هيا
الباصات والبوت كما ذكرت لنا ام اسهل علينا تغيير الفندق لانو تكلفة المواصلات منه واليه حتكون تكلفتها مرتفعة
ولا هيا مواصلاتهم سعرها رخيص ؟!! ياريت توضحلنا الصورة يابو عزيز
وسامحني على الاطالة

cute LoLo
Royal
Auteuil
Warwick
وبالنسبة لفندق Brienzersee في انترلاكن لسة ما انتهى استفساري يابوعزيز
احنا اول مرة نطلع اوروبا يعني حابة اوضحلك انو مو متعودين على نوع مواصلات معين
لكن نبغى نوفر مصروف ايجار السيارة ومصروف البنزين واللي فهمناه انو شراء السويس باس واستخدام الباصات
والقطارات اسهل ولا انت ايش رأيك ؟
ثاني سؤال دحين لو اشترينا السويس باس حينفع نستخدمها في مواصلاتنا للفندق اللي هيا
الباصات والبوت كما ذكرت لنا ام اسهل علينا تغيير الفندق لانو تكلفة المواصلات منه واليه حتكون تكلفتها مرتفعة
ولا هيا مواصلاتهم سعرها رخيص ؟!! ياريت توضحلنا الصورة يابو عزيز
بالنسبة للمواصلات فهي رخيصة خاصة الباصات والبوت
والمواصلات جدا جدا جدا سهلة ومن اول يوم ممكن تضبطينها
الفندق بعد يعطيك كرت مواصلات يخلي الرحلة الى انترلاكن شيه مجانية
وجود السويس سافير باس شيء بديهي ومطلوب لكم
الوجود في انترلاكن في هذا الوقت من السنة ما انصح فيه
والسبب الزحمة الغير طبيعية وجودكم في هذا القرية شيء ثاني مختلف وعلى بعد دقائق وقت ماتبون تروحون يكون القرار بين ايدكم
وسامحني على الاطالة
مافي اطالة ولا شيء
لكن دخولي للمنتدى محود جدا بسبب تفرغي الكامل للوظيفة والبيت وموقعي الخاص

الله يعطيك الف الف الف عافية يارب
تتم الان المفاضلة بين فندقين من الثلاثة في جنيف واتمنى لو عندك خلفية زيادة عنهم تساعدنا
عشان يسهل علينا الاختيار طبعا الفندقين هما Royal و Warwick..
وبالنسبة لانترلاكن وبعد القراءة انا الان في طريقي لاقناع زوجي باستخدام السيارة
خصوصا و انا الاسعار تبدو متقاربة جدا لكن جهلنا بنظام الباصااتواسماء المحطات هناك
اعتقد انه سيصعب المسألة علينا .. لكن سيتم الابقاء على نفس الفندق Brienzersee..
وحابة استفسر بالنسبة للسويس سافير باس من فين ممكن نحصل عليها
من الفندق ام من النت ام من المحطة طبعا نبغاها عشان نطلع الرحلات الجبلية ورحلات الشلال
واتمنى لو عندك ملاحظة او نصيحة تنورنا بيها يابوعزيز
و الله يسعدك يارب ويسهل عليك زي مابتسهل علينا

اسفة يا اخ ابوعزيز ادري زودنا عليك بالاسئلة بس مانعرف احد راح سويسرا
وانت ماشالله الظاهر انو عندك خبرة كويسة ممكن تفيدنا
ولو ممكن نتواصل معاك على ايميلك الخاص لو عندنا اي استفسار
بما انك ما بتدخل المنتدى كثير وكان من حظي الطيب انك دخلت على سؤالي
اتمنى يكون حظي طيب والقى طريقة استفسر منك عن اي شي
لانو عندنا شوية اسئلة وحابين نسأل فيها و ان ماكان في برضو اقولك يعطيك الف عافية
وكفيت و وفيت وربي يكثر من امثالك يارب

انا اعرفه ولسة راجعة الفندق مجدد وهادئ والصراحة يستاهل كل فلس يندفع له وانا اشوفه اختيار مناسب لا تشيلين هم ابدا من ناحية المواصلات اول ما توصلين خوذي جدول الباص وكمان عندك محطة قطار تبعد 3 دقايق ممكن تنقلك لانت لاكن اوست ولا للوست وسلميني على مديرة الفندق الي هناك مرة عسولة
بالنسبة لجنيف انا ما حبيت الرويال احسة قديم مع ان حجزي ما كان فيه كان في فندق بنفس الشارع وتبع مجموعة الرويال ناسية اسمها بس صار عندهم مشكلة تكنيكل على قولتهم وودونا للرويال طبعا فندقنا الي حاجزينة اجدد واحسن في نظري
وموفقة