ولا رد الله يسامحكم

الأفضل أنك توزع الأيام ما بين اشبيلية و غرناطة
يومين في اشبيلية و ثلاثة في غرناطة
عطنا تواريخ سفرتك

اذا معك فلوس
اسكن في منطقة ( البورت بانوس )
وتطلع منها كل يوم لغرناطه ويوم لقرطبه وبوم لاشبيليه
والسهر كل يوم بالبورت بانوس لانها احلى مكان للجلسه بالليل
او اسكن في فندق ( بارثيلو ) بمنطقة سان بيدرو فهو فندق ممتاز ويبعد 5 دقائق بالسياره عن منطقة البورت بانوس

الليل والنهار ... احنا عايلة وصعب نتقل وايد نبي نستقر في منطقة وحدة بس ... من 22/8 لين 27/8... ويسلمو على الرد

مشكور أخوي على الرد ... بس شو الفنادق تقترحها علينا في ( البورت بانوس ) .... بعدين المنطقة تصلح للعوائل بما أنها على البحر يعني ...؟؟

بليز وينكم ليش جذي .......؟

لازلت أنتظر والله المستعان

حبيبتي ماانصحك بالسكن بالبورت اذا انتي بتروحين لهالمدن اسكني بملقا او ترومونولوس او بنا المذينا كلهم واحد وماعندك ابد مشكله بالمكان وشوفو السعر اللي يناسبكم اهم شي لان مدتكم قصيره وبتشوفون البورت مرره وحده واساسا هو مايستاهل اكثر من زياره وحده وغرناطه نصيحه اسكني فيها يوم لانها بعيده ومتعبه الرحله وفيها طوابير عشان تدخلين القصر حتى لو كنتي حاجزه ومخلصه بيكون فيه طابور ثاني ينتظرك داخل الحديقه عند بوابة القصر لان لازم يدخلون مجموعات صغيره عشان مايصير زحمه وبيكون الانتظار طويل وفي الشمس والحديقه كبيره ويبيلها وقت يعني الرحله متعبه والذهاب لها ياخذ ساعتين والرجعه طبعا نفس المسافه واذا انتي مصره على السكن قريب من البورت عندك فساري روعه والوها غاردن يجنن بعد بالذات اذا معكم اطفال ويبعد ثلاث دقايق بالسياره عن البورت وسفره سعيده باذن الله

ما شاء الله عليج اختي في كل مكان كاتبه سؤال
راح ارد يعني راح ارد
انا اييد كلام اختي جنيفين وانصح بالسكن في ملقا فندق barcelo malaga وميزته انه نظيف وبجوار محطة القطارات وبجواره مجمع كبير فيه مطاعم وسينما وتسوق وممكن بالمترو توصلين تقريبا كل الاماكن السياحية عدا ماربيا وهذه ممكن بالباص او التاكسي يوم واحد يكفي وبعدين الفندق صاد عن البحر
وممكن تطلعون بالقطار الى غرناطة واشبيليه وقرطبه
وبالتوفيق