الغافقي
1- ممكن تسافر على أي خطوط أوربية
2- الحجز من النت أفضل
3- أفضل المواصلات السيارة والتنقل بها آمن جدا وممتع جدا
القطار الأندلسي ما أعرف عنه أي شيء للأسف
وعندي سؤال
المسافرين شباب أو عائلة ؟

شكرا على ردك اخوي زمان وبالنسبة لسؤالك ..المسافرون عائلة انا وزوجتي ..اذا حبيت استغني عن السيارة باي وسيلة مواصلات اخرى وتكون بنفس الفعالية يعني الباص او المترو ينفع؟؟ لان احس السيارة في دولة تجيها اول مره بتصير حوسة ..مع اني الاحظ الكثير في المنتدى ينصحون فيها ..لكني متردد
وبالنسبة للبرنامج ماعرف وين انزل بالضبط خصوصا انه مافيه حجز مالقا بالتاريخ الي حددته ( لكن المحاولات مازالت جارية) وهل انزل في مالقا مثلا واروح وارجع على المدن الي حددتها او اخذ في كل مدينة كم يوم ؟
اما بالنسبة للفنادق ما لقيت احد يمدح فنادق معينة ماعدا مدريد وبرشلونة ..هل الفنادق في المدن الثانية مستواها واحد ؟؟؟ خصوصا اني بحجز على النت فا اخاف انصدم اذا وصلت؟

لا بد تحجز طائرة أولا وبعدها تحاول ترتب برنامجك على ها الأساس

أهم شئ بمنطقة الأندلس هي ثلاث المدن : أشبيلية , قرطبة , غرناطة
أحجز على الخطوط السعودية على مدريد و استغل عرضهم الرائع .
تكون الخطة كالآتي :
1 مدريد _ 2 أشبيلية _ 2 غرناطة_ 2 قرطبة_ 1 مدريد
التنقل : ما بين مدريد و أشبيلية و من قرطبة إلى مدريد بالقطار
اما مابين أشبيلية و قرطبة و غرناطة بالباص .... رخيص جدا لا تزيد التذكرة عن 10 يورو للشخص
اما التنقل داخل مدن الأندلس ... بواسطة التاكسي (لأن المدن صغيرة فتكلفة رخيصة ) أو مشي لأن المسافات قصيرة
اما داخل مدريد بمترو
لن تحتاج إلى سيارة
بنسبة للفنادق أذا اعتمدت على خطة سأذكر لك الفنادق ... بس ياليت تحط لي حدك في الليلة

جزاكم الله خير جميعا ما قصرتم...الليل والنهار ..فعلا الخطوط السعودية عندها عرض لمدريد لايقارن باي خطوط اخرى لقيت حجز مدريد 1300 ريال تقريبا للشخص ولكن الحجز انتظار ومن فجر الجمعة 24 يعني لازم اختصر واحدة من المدن لليلة اي واحدة برايك يكفيها يوم وليلة؟
بالنسبة للقطار كم ياخذ ساعة بين مدريد والمدن الي ذكرتها؟
اما الفنادق فالحد الذي يكفل لي حياة كريمة نقول 100 يورو لليلة جزاك الله خيرا

الفنادق
أشبيلية :
Novotel Sevilla Marques De Nervion
NH Central Convenciones
Tryp Macarena
Meliá Lebreros
Occidental Sevilla
قرطبة :
Hotel Selu
غرناطة :
Hotel Saray
AC Granada
Princesa Ana
Senator Granada Spa Hotel
Alhamar
فنادق قرطبة في فترة سفرتكم غالية :112:
الحجز انتظار ومن فجر الجمعة 24 يعني لازم اختصر واحدة من المدن لليلة اي واحدة برايك يكفيها يوم وليلة؟
أذا حجزت على 24 أبريل أحجز العودة على 1 مايو يوم الجمعة وهذا 8 أيام بالظبط
بالنسبة للقطار كم ياخذ ساعة بين مدريد والمدن الي ذكرتها؟
إلى أشبيلية 2.30
ومن قرطبة إلى مدريد ساعة و نص

بيض الله وجهك ما قصرت لكني حبيت استفسر انا مضطر ارجع الخميس هل في مجال ارجع من قرطبة على مطار مدريد بنفس اليوم ولا ممكن اتورط ؟؟

ما عندك مجال أنك ترجع الخميس أذا كنت رايح على الخطوط السعودية ,, رحلات الخطوط إلى مدريد الثلاثاء و الجمعة فقط

الله يحيك الغافقي .. والله يرحم أيام عبدالرحمن الغافقي المجاهد العابد .. الله يعيد أمجادنا.
شوف يالغالي
نصيحتي لك .. بما أنك رايح أسبوع وراجع .. فأنا اشوف أنك تحدد أهم الأماكن والمدن.
ومن وجهة نظري الخاصه....ما شفت في الدنيا مثل الجنوب الأسباني بصراحه
رحت وجيت وسافرت وطرت .. لكن مثل الجنوب الأسباني ما شفت .. ما فيه مدينه قررت أرجع لها مره ثانيه مثل الجنوب الأسباني.
عندك 8 أيام .. وزعها على كيفك في الجنوب
في البدايه .. نصيحه .. أستأجر سيارة .. وريح نفسك وهذي أمرها سهل جداً
رح لمكتب الصرح .. وخلهم يعطونك رخصه دوليه .. راح تكلفك 100 ريال.
وأحجز عن طريق النت من موقع أيروكار .. سيارة صغيره .. راح تكلفك يمكن 2000 ريال لمدة 7 أيام.
وإذا كنت خايف تضيع أو تتوهق .. احجز مع السيارة .. جهاز ملاحه (نفقيشن) .. بحيث تستخدمه في التنقل والإرشاد .. يعني تدخل اسم المدينه وهو يوصلك لها بسهوله.
أسهل وامتع وأروع .. وتتنقل على كيفك .. ومع أهلك .. وسواليف ووناسه وتمشيه..والله جداً ممتعه.
أكيد راح تسألني وتقول طيب .. ليش أتنقل بالسيارة ليش ما يكون بالباص أو التكاسي
فأنا أشوف أنها راح تكون عليك مكلفه مره .. ولو حسبت تكاليف تنقلاتك بالتاكسي او الباص .. وتجمعها .. يمكن يطلع عليه تكلفة أجار سيارة.
طبعاً الجنوب الأسباني مدنه كثيره
ماربيا
مالقا
قرطبه
اشبيليه
غرناطه
جبل طارق
ميخاس
رواندا
فنخورلا
طريف
يعني مدن كثير وممتعه .. وفيها كل شيء .. جبال و شواطئ وطبيعه وأثار أسلاميه
وعشان تتنقل من مكان إلى مكان تحتاج إلى سيارة.
عموماً .. هذا الأمر راجع لك .. لكن أشوف الموضوع سهل بإذن الله.

• ما هو البرنامج المقترح؟

السكن في ماربيا .. والفنادق كثيره مره .
1 : قرطبه (الجامع الكبير + مدينة الزهراء)
1 : غرناطه (قصر الحمرا)
1: أشبيليه (المئذنة وبعض الأثار الأسلاميه)
1: جبل طارق + طريف (جبل طارق تحت السلطه البريطانيه فلازم يكون معك فيزا بريطانيه)
1 : مالقا (القصبه ) + ميخاس (تشوف كيف البناء الأسباني .. وتخلي زيارتها بعد العصر وتتعشى هناك)
1: رواندا (الحمامات العربيه + الجسور )
1: تمشيه في البورت بانوس

• ماهي الخطوط المقترحة؟

شف الأرخص لك .. وعندك التركيه والسعوديه .. هذا اللي أعرفه.
ورح من الرياض إلى ماربيا مباشرة من دون المرور على مدريد.

• هل هناك فنادق معينة مفضلة؟ و ايهما افضل الحجز من اسبانيا او من الرياض؟

ما في بالي فنادق معينه .. لكن في ماربيا سكنت في فندق اندلسي هوتيل
وبالنسبه للحجز .. فأكيد أحجز من الرياض .. وألعب على المضمون .. وتوهق عمرك.

• ماهي افضل انواع المواصلات؟ واذا كانت السيارة هل التنقل بها أمن؟؟؟

في ماربيا والجنوب بشكل عام ... أقترح سيارة وبلا شك والتنقل بها أمن بشكل كبير.
لكن لو تروح مدريد أو برشلونه .. فعندك القطار يكفيك وبالراحه.

• قرأت في احد المنتديات عن القطار الاندلسي ..هل بأمكاني استخدامه في هذه الرحلة ؟

طيب أين القطار الأندلسي .. وش تقصد به.
لا يوجد شيء أسمه القطار الأندلسي.!!!
مع خالص احترامي