للعلم مطار ليبتري هو مطار نيوارك ( نيوجيرسي )
وقرات انه في مطار جون كنيدي عدة طرق للتوصيل ( اير تران أو امتراك ) والتاكسي
وايضا خدمة اسمها ets ايربورت شاتل
واعتقد انها جمس خصوصي يوصل لمطار نيوجيرسي 29 دولار خلال 60دقيقه
بس ما ادري المبلغ هذا للرحلة او على الفرد ؟
واذا انا نازل في مبنى 4 كيف اوصل لمكان الشاتل واين يقع
وهل لازم استخدم ايرتران ( مترو داخل المطار ) ؟؟؟
وهل فيه وسيله اسرع من الشاتل
ياريت تفيدونا لاني احس اني تورطت ونسبة نجاحي في الوصول ماتتعدى 5%
الله يعافيكم

الله يوفقك يالغالي تحتار هنا وانت على السعة ولا تحتار هناك وتطير عنك الطيارة وتخسر الرحلة وممكن تدفع قيمة التكسي وغير التعب
بالنسبة لي لما اوصل ع الخطوط السعودية لكنيدي شيء ضروري جدا اخذ تاكسي واجلس ع الاقل يوم في نيويورك اريح والعن ابليس
واذا مرة ما ابي اجلس ف نيويورك وعندي رحلة من كنيدي لاورلاندو اقل شيء يكون عندي وقت 5 ساعات من وصول الخطوط السعودية وخااصة لو معي عائلة مستحيل اخليهم يروحون ترانزيت نريح ف نيويورك يوم وبعدها ننطلق
بالنسبة لمطار نيوارك برا نيويورك وبعيد شوي وممكن تقابل زحمات وافضل طريق له استخدام التاكسي وانت بتوصل 5 ونقول تنزل من الطيارة وتروح الجوازات وتختم واذا ما سووا لك تسجيل دخول او لعائلتك وتمر ع الجمارك وتروح تاخذ الشنط وتطلع للتاكسي هذا كله ممكن يكلفك من الوقت 45 دقيقة لو قلنا الطريق بياخذ 45 دقيقة صار الوقت 6 ونصف يبي لك شحن عفش وقص بوردينق ممكن تلحق
لكن اذا فيه امكانية تغير الحجز غيره واذا ما فيه امكانية توكل على الله وخلك سريع ف الحركة

placeplace
المشكله اخوي انه نظام امريكا في الرحلات الداخليه ماتحصل رحلات في الليل بعد 8 مساء
فما وجدت غير هاذي والصراحه ماكان ودي انزل نيويورك لولا اني حسيت بعد مافات الاوان اني كنت غلطان
وللاسف مافي امكانيه لتغيير الحجز لانه مافي رحلات في نفس اليوم
واليوم اللي بعده الرحلات غاليه مره
والله يعين على سرعة الحركه احس انها مغامره
تسلم على ردك ياغالي