أول ما تدخل الأراضي البحرينية خذ ثالث مخرج إلى اليمين ، وهو تلقائياً راح يلف فيك فوق الجسر وبالتالي واصل إلى الأمام حوالي 10 كيلومتر راح تحصل جسر واصل فوقه ، وبعد حوالي 400 متر بتحصل جسر ثاني الي عند مجمع السيف واصل المسير فوقه ، بعد هذا الجسر واصل إلى الأمام وخذ ثاني مخرج إلى اليمين وبعدين على طول أول منعطف على اليسار وبتلاحظ صوبها لوحة إرشادية ( مجمع السيتي سنتر ) ، وخلاص ذي الشارع يعتبر مدخل السيتي سنتر.
مجمع الدانة مقابل للسيتي سنتر يفصل بينهم الشارع السريع يعني مسافة مشي بينهم.
أوقات سعيدة.

بحريني غير
يعطيك العافية اخوي بحريني على الوصف الرائع
بس مافهمت هنا
راح تحصل جسر واصل فوقه ، وبعد حوالي 400 متر بتحصل جسر ثاني الي عند مجمع السيف واصل المسير فوقه ، بعد هذا الجسر واصل إلى الأمام
يعني امشي الى الامام بعد المخرج الثالث حتى يجيني مجمع السيف بعد مااعديه ثاني مخرج يمين وبعدين يسار
صحيح كذا؟؟
طيب بسالك وش رايك بالزحمة يوم الاربعاء يقولون سيتي سنتر الزحمة فيه غير طبيعية

الزحمة تبدي من يوم الخميس لي الجمعة بس الاربعاء مقبولة الزحمة

a.h.s2008
يا هلا أخوي أول شي مسامحه تأخرت عليك.
بعد ما توصل للجسر المحاذي لمجمع السيف ( وراح تشوف المجمع واضح ) واصل إلى الأمام يعني اركب فوقه وواصل إلى الأمام على نفس الشارع ،، ولما تنزل من نفس الجسر راح تحصل مخارج ( منعطفات يعني ) على اليمين من الشارع نفسه الي تمشي عليه ،، انت اترك المخرج الأول ،، وواصل شوي إلى الأمام راح تحصل مخرج ثاني إلى اليمين عند لوحات إرشادية مكتوب عليها ( جنوب المنامة - السوق المركزي ).
بعد دخول هالمخرج بأمتار بسيطة راح تكون مخيّر إما تمسك يمين أو يسار (( انت على طول امسك المنعطف اليسار )) الي عنده على طول راح تحصل لوحة إرشادية مكتوب فيه (( مجمع البحرين سيتي سنتر )) ، بمجرد أنك تاخذ هذا المنعطف راح تكون دخلت داخل السيتي.
بالنسبة للزحمة فهي تكون غير طبيعية من الخميس إلى السبت وبدرجة أقل الأربعاء وبدرجة أقل وأقل وأقل من الأحد إلى الثلاثاء.
نصيحة لك : وقف سيارتك في الطابق الأرضي للمجمع لتفادي الوقوف في زحمة الخروج من المواقف بعد ذلك.
أوقات سعيدة.